Osasunak denboraldiko hirugarren garaipena lortu du Rayo Vallecano mendean hartuta
Osasunak denboraldiko hirugarren garaipena erdietsi du igande honetan (irailak 4) Rayo Vallecanori 2-1 irabazita Sadarren jokatu den Santander Ligako 4. jardunaldiko partida.
Erasokor ekin dio Osasunak neurketari, Rayo Vallecanoko atezainak babestutako ate ingurura hainbat aldiz gerturatuta. Rayok penaltia eskatu du jokaldi baten, baina epaileak ez du ezer adierazi Lucas Torroren eta Camelloren arteko lehiaren ostean. Lehen zatian nagusi izan da talde gorritxoa; hala ere, golik gabe (0-0) amaitu da.
Bigarren zatiaren hasieran epaileak Rayo Vallecanoren aldeko penaltia adierazi du, baina VARa kontsultatu ostean baliogabetu egin du eta txartela atera dio Alvaro Rayoko jokalariari Nacho Vidal zapaltzeagatik.
Norgehiagokako 55. minutuan Aimar Orozek sartu du partidako lehen gola (1-0). Osasunako jokalariak amaiera ona eman dio Darko Brasanacek hegaletik egin duen jokaldiari, haren pasea ate barrura bidalita.
Golaren ostean erasora jo du Rayo Vallecanok eta 75. minutuan Lejeunek jarri du banakoa markagailuan (1-1), faltaz Sergio Herrera gaindituta.
Jagoba Arrasate Osasunako entrenatzaileak Barçatik talde gorritxora utzita joan den Abde zelairatu du azken minutuetan eta erabakigarria izan da Nafarroako taldeak garaipena lortzeko. Abdek jokaldi bikaina egin du, area barruan sartu da, eta haren pasea Ruben Garciak errematatu du Osasunaren bigarren gola sartuz (2-1), 89. minutuan.
Luzapenean Osasunak ez dio aukerarik eman Rayo Vallecanori eta gorritxoek hiru puntuak poltsikoratu dituzte.
Fitxa teknikoa:
2 – Osasuna: Sergio Herrera; Nacho Vidal, Unai Garcia, David Garcia, Juan Cruz; Chimy Avila (Ruben Garcia, 71. min), Moncayola (Abde, 81. min), Lucas Torro (Darko, 52. min), Moi Gomez (Pablo Ibañez, 81. min); Aimar Oroz eta Budimir (Kike Garcia, 81. min).
1 – Rayo Vallecano: Dimitrievski; Balliu, Lejeune, Catena, Fran Garcia; Salvi (Isi, 46. min), Oscar (Comesaña, 71. min), Ciss, ÁAlvaro Garcia; Camello (Falcao, 81. min) eta Trejo.
Golak: Aimar 1-0 (55. min), Lejeune 1-1 (75. min), Ruben Garcia 2-1 (89. min).
Epailea: Muñiz Ruiz. Txartel horiak atera dizkie Unai Garcia eta Juan Cruz Osasuna jokalariei, baita Alvaro eta Ciss Rayo Vallecanoko futbolariei.
Zure interesekoa izan daiteke
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.