Osasunak denboraldiko lehen garaipena lortu du Sadarren (2-0)
Osasunak denboraldiko lehen garaipena lortu du Sadarren Celtaren aurka (2-0), Santander LaLigako 5. jardunaldian. Gorritxoen golegileak Facundo Roncaglia eta Jonathan Calleri izan dira.
Osasuna partidaren jaun eta jabe izan da hasiera-hasieratik. Izan ere, gorritxoek erasoari ekin diote partida hasi eta minutu gutxira.
Horrela, 23. minutuan Facundo Roncaglia atzelariak area kanpotik egindako jaurtiketa bikain batekin lehen gola lortu du gorritxoentzat (1-0).
Bigarren zatiaren amaieran, Roncagliak berak egindako erdiraketak Callerik burukatuko zuen area txikian amaierako bi eta hutsekoa ezarriz.
Horrenbestez, Osasunak lehen garaipena lortu du Sadarren, aurtengo denboraldian, eta 6 punturekin dira LaLiga Santanderren.
Fitxa teknikoa
2 – Osasuna: Sergio Herrera; Roncaglia, Unai García (Adrián, 90. min), David García, Íñigo Pérez; Rubén García, Oier (Nacho Vidal, 83. min), Torró, Kike Barja (Jony, 64. min); Calleri, Enric Gallego (Moncayola, 64. min)
0 – Celta: Villar; Mallo, Aidoo, Murillo, Olaza; Baeza (Mor, 60. min), Okay, Tapia (Mina, 73. min), Denis; Aspas, Nolito (Rodríguez, 81. min).
Golak: Roncaglia, 1-0 (23. min). Calleri, 2-0 (76. min).
Epailea: De Burgos Bengoetxea. Txartel horiak: Oier, Ruben Garcia eta David Garcia (Osasuna); Tapia, Murillo eta Miguel Rodriguez (Celta).
Zure interesekoa izan daiteke
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.