Monakok Alvaro Fernandez atezaina fitxatu du Osasunatik

Monako taldeak astearte honetan jakinarazi du Alvaro Fernandez Llorente atezaina fitxatu duela Osasunatik. 19 urteko atezainak 2020. urteko ekainaren 30era arte sinatu du kontratua Monakorekin.

Alvaro Fernandez Osasunako lehen taldeko hirugarren atezaina zen, eta Lehen Mailan debuta egin zuen 2016ko irailan Mario Fernandez atezaina lesionatu ostean. 19 urtez azpiko Espainiko selekzioan ibili da.

"Oso pozik nago Monakok fitxatu nauelako. Talde honek erakutsi zuen iragan denboraldian noraino iristeko gai den, eta jokalari gazteen aldeko apustua egiten du. Daukadan guztia emango dut taldeari laguntzeko", adierazi du Alvaro Fernandezek.