Osasuna, amildegitik gero eta gertuago (5-2)
Osasunak galdu egin du Las Palmasen, partida arraro batean. Atsedenaldian 1 eta 2 izan dira aurretik nafarrak ia aukerarik sortu gabe, baina kanariarrek emaitza irauli dute bigarren zatian 5 eta 2 irabazi arte.
Lehen zatian Vasiljevicen taldeak zortea alde izan du, baina bigarrenean, aldiz, kontra jarri zaio: auren atean egin dute gola eta Berenguerrek lesioa izan du, buruan kolpe gogorra hartu ostean. Ospitalera eraman dute Osasunako jokalaria. 10 minutu bakarrik eman ditu zelaian.
Las Palmasek 7. minutuan egin du partidako lehen gola, Jesek egindako jaurtiketa baten bidez. Kodrok berdinketa egin du 31.ean, eta sei minutu geroago, aurretik jarri du bere taldea.
Atsedenaldiaren ostean, Osasunak hirugarrena egiteko aukera izan du, baina gola etxeko taldeak lortu du. Livaja izan da golegilea, Roque Mesaren erdiraketa aprobetxatuta.
Berenguer lesionatu egin da zelaian 10 minutu bakarrik zeramatzanean. Kolpea hartu du buruan, David Simonekin izandako jokaldi batean. Eta handik gutxira, Unai Garciak gola egin du bere atean (3-2).
Jokaldi hori kolpe handia izan da nafarrentzat, eta egoera ondo aprobetxatu dute Roque Mesak eta Jesek 5 eta 2koa egiteko.
Fitxa teknikoa
5. Las Palmas: Javi Varas; David Simón, Lemos (David García, 83. min), Bigas, Dani Castellano; Roque Mesa; Tana (Prince Boateng, 68. min), Vicente Gómez, Jonathan Viera, Jesé; eta Livaja (Halilovic, 73. min).
2. Osasuna: Sirigu; Oier, Unai García, David García, Fuentes; Raoul Loé, Fran Mérida; Olavide (Berenguer, 59. min) (Roberto Torres, 69. min), De las Cuevas (Sergio León, 73. min), Jaime Romero; eta Kenan Kodro.
Golak: 1-0, 7. min: Jesé. 1-1, 31. min: Kenan Kodro. 1-2, 37. min: Kenan Kodro. 2-2, 55. min: Livaja. 3-2, 70. min: Unai García, bere atean. 4-2, 76. min: Roque Mesa. 5-2, 87. min: Jesé.
87. min: Jesé.Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).