Balio gutxiko berdinketa Osasunarentzat eta Granadarentzat
Granadak eta Osasunak bana (1-1) berdindu dute Carmenes zelaian eta gutxirako balio die puntuak bi taldeei. Nafarrek eta andaluziarrek aurreko jardunaldian baino hurrunago dute salbazioa.
Osasunak hobeto ekin dio norgehiagokari eta 11. minutuan aurrea hartu du markagailuan Oriol Rierak sartutako golari esker (0-1). Vasiljevicek zuzentzen duen taldea nagusi izan da, eta bigaren gola sartzeko aukera izan du, baina Ochoa atezainak Sergio Leonen gola eragotzi du. Granadak ez du abagune argirik sortu eta Mario Fernandez atezainak Tabanouk egin duen jaurtiketa bat besterik ez du gelditu behar izan. Atsedenaldira iritsi baino lehen epaileak baloirik gabe utzi du Oriol Rierak sartutako beste gol bat.
Bigarren zatian erasokor zelairatu da Granada eta bi abagune izan ditu hasierako minutuetan; Jeremie Bogak gora bidali du jaurtiketa lehenengo aukeran eta bigarrenean ezin izan du Mario Fernandez atezaina gainditu buruz-burukoan. Osasunaren erantzuna Alex Berenguerren bitartez etorri da, baina ezin izan du bigarren gola sartu. Norgehiagokako 69. minutuan Granadak lehia berdintzea lortu du Kravetsek sartu duen golarekin (1-1). Berdinketaren golaren ondoren, jokalari bat gutxiagorekin geratu da etxeko taldea, epaileak Uche egotzi baitu. Azken txanpan garaipena lortzeko abaguneak izan ditu Osasunak, baina jokalari gorritxoek ez dute Ochoa atezainak defendatutako ate aurrean asmatu eta neurketa berdinduta amaitu da.
Fitxa teknikoa:
1 - Granada: Ochoa; Foulquier, Vezo (Ezequiel Ponce, m.65), Lomban, Tabanou; Sergi Samper, Uche, Andreas Pereira, Boga, Atzili (Alberto Bueno, m.57); eta Kravets (Gaston Silva, m.75).
1 - Osasuna: Mario; Berenguer, Unai García, David Garcia, Oier, Clerc; Causic, Fausto Tienza (Fran Merida, m.77), Roberto Torres (Jaime, m.77); Sergio Leon eta Oriol Riera (Riviera, m.70).
Golak: 0-1, m.11: Oriol Riera. 1-1, m.69: Kravets.
Epailea: Trujillo Suarez.
rujillo Suarez.Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).