Osasunak porrota jaso du Numantziaren aurka
Osasunak 2-1 galdu du asteazken honetan Numantziaren aurka Almazanen (Sorian) jokatu duen denboraldiaurreko partida. Gorritxoak hamaikako honekin zelairatu dira: Juan Perez, J. Flaño, Tano, David Garcia, Oier, Nino, Causic, Unai Garcia, Berenguer, Olavide eta Imanol Garcia.
Numantziak azkar hartu du aurrea markagailuan; 19. minutuan Unai Garciak penaltia egin dio Nachori eta Julio Alavarezek 1-0ekoa egin du penalti puntutik. Gola hartu ostean Ninok partida berdintzeko abagune ona izan du, baina ez da gola sartzeko gai izan. Osasunak barkatu ostean Soriako taldeak 2-0ekoa egin du Mateuren bitartez, 29. minutuan. Lehen zatiko azken minutuetan Ninok berdinketa lortzeko beste aukera bat izan, baina oraingoan ere ez du asmatu.
Bigarren zatiaren hasieran Merida, Fausto, Jaime Romero, De las Cuevas eta Galarza sartu dira Tano, Causic, Berenguer, Olavide eta Imanol Garciaren ordez. Lehen minutuetan bizi jokatu du Osasunak eta 56. minutuan, aldeak murriztea lortu du Ninok sartutako golari esker (2-1). Ondoren, Enrique Martin Monreal entrenatzaileak Oier, Javier Flaño eta Nino kendu ditu berdegunetik Jaime de Dios, Hualde eta Urko Vera zelairatzeko. 79. minutuan John Steven zelairatu da Unai Garciaren ordez. Azken txanpan Numantziak kontraersoan arazoak sortu dizkio Osasunari. Gorritxoek partida berdintzeko abagunea izan dute Urko Veraren bitartez, baina bi taldeetako batek ere ez du gol gehiago sartzea lortu eta Numantziak eraman du garaipena (2-1).
araipena (2-1).Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.