Osasunak partida bakar batera du igoera, Gironari irabazi ostean (2-1)
Osasunak lehen urratsa eman du datorren denboraldian berriro Lehen Mailan jokatzeko. Gorritxoek 2-1 irabazi diote Gironari Sadarren jokatutako joaneko partidan, baina kataluniarren golak kanporaketa erabaki gabe utzi du larunbatera begira.
Iruindarrek 6. Minutuan egin dute lehen gola, Kenan Kodrori esker. Bigarren zatian, Gironak banakoa egin du (Kiko Olivasek, 73. minutuan) eta, orduan, nafarrek erasora jo dute berriro kataluniarren atea bigarrenez zulatzeko asmoz. Maikel Mesak gauzatu du helburua, 78. minutuan.
Ondorioz, Martin Monrealen taldea aurretik da Montilivin jokatuko den itzulerako norgehiagokari begira, baina kontuan izan behar da Gironak markagailu hori iraultzea lortu zuela Kordobaren aurka aurretik jokatutako kanporaketan.
Lehen zatia irekia izan da. Lehen minutuetan Osasuna izan da nagusi, 6. minutuan egindako golari esker, baina ordu laurdena bete eta gero Gironak izan du partidaren kontrola.
Olivasen berdinketa eta Mesaren gola
Nafarrek ondo hasi dute bigarren zatia eta bigarrena egiteko aukerak izan dituzte. Gironaren gola korner baten ondorioz iritsi da eta Kiko Olivasek egin du (73. min).
Berdinketaren ostean, gorritxoek erasoari ekin diote bigarren golaren bila, eta ez dute asko itxaron behar izan, Maikel Mesak egin baitu bost minutu geroago.
Emaitzak erabaki gabe utzi du kanporaketa. Itzulerako partida, larunbatean, 19:00etan, Gironan.
Fitxa teknikoa:
2 - Osasuna: Nauzet; Oier, Tano, Miguel Flaño, David García, Javier Flaño; Manuel, Merino, Roberto Torres (Pucko, 80. min), De las Cuevas (Maikel Mesa, 64. min); eta Kenan Kodro (Nino, 46. min).
1 - Girona: Isaac Becerra; Kiko Olivas, Alcalá, Lejeune; Maffeo, Granell, Pere Pons, Borja García (Richy, 92. min), Clerc; Cristian (Sobrino, 53. min) eta Mata (Rubén Alcáraz, 81. min).
Golak: 1-0, 6. min: Kenan Kodro. 1-1, 73. min: Kiko Olivas. 2-1, 78. min: Maikel Mesa.
Zure interesekoa izan daiteke
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.