Osasunak eta Almeriak golik gabe berdindu dute Sadarren
Osasunak eta Almeriak golik gabe berdindu dute (0-0) Sadarren, abagune gutxiko partidan. Gorritxoek ezin izan dute Adelante Ligako bigarren postuan kokatzea bermatuko ziokeen garaipena lortu eta bosgarren postuan daude 39 punturekin, bigarren postuan dagoen Leganesengandik puntu bakarrera.
Nafarroako taldeak penalti bat eskatu du lehen minutuetan, baina epaileak ez du ezer adierazi. Talde bakoitzak abagune bana izan du lehen 45 minutuetan. Osasunak 26. minutuan izan du markagailuan aurrea hartzeko aukera, baina Casto atezainak erantzun ona eman dio Unai Garciaren jaurtiketari. Almeriaren erantzuna 33. minutuan etorri da, baina Nauzet atezainaren irteeraren aurrean, langa gainetik kanpora bidali du errematea talde andaluziarreko aurrelariak.
Partidako gidoia ez da aldatu bigarren zatian. Osasunak eta Almeriak huts asko egin dituzte paseak ematerakoan eta ez dute ikuskizun ona eskaini. Dena den, Osasunak gola sartzeko aukera izan du Kodrok buruz egin duen erremate baten bitartez, baina ez du asmatu. Amaieran, puntu banaketa Osasunaren eta Almeriaren artean (0-0).
Fitxa teknikoa:
0 - Osasuna: Nauzet; Oier, Tano, David Garcia, Unai Garcia, Javier Flaño; Roberto Torres, Maikel Mesa, Jose Garcia (Olavide, 64. min); Nino (Alex Berenguer, 82. min) eta Urko Vera (Kenan Kodro, 51. min).
0 - Almeria: Casto; Michel Macedo, Saveljich, Ximo Navarro, Morcillo (Fran Velez, 75. min), Dubarbier; Quique, Fatau, Jose Angel, Jonathan Zongo (Ramirez, 66. min); eta Chuli (Kalu Uche, 79. min).
Epailea: Ocon Arraiz.
g> Ocon Arraiz.Zure interesekoa izan daiteke
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.