Osasunak Valladolidi irabazteko hobaria agindu ziola onartu du Amayak
Antonio Amayak, Betiseko jokalari ohiak eta Rayoko futbolariak, epaitegian onartu du Osasunako zuzendari ohiekin hobariak adostu zituela Valladolidi irabazteko. Inoiz ere ez zuela jaso ere esan du.
Jokalariak, EFEk jakin ahal izan duenez, Madrilek Osasunako arduradunekin bildu zela onaru du, 2013/14ko denboraldiko azken aurreko jardunaldian Valladolidi irabazteko saria adosteko, eta Betisek beste jokalari batzuek ere bazekitela gehitu du.
Nafarroako Justizia Jauregian, Betiseko Jordi Figueras, Jorge Molina eta Xavi Torresek iruzurrik egon zenik ukatu dute, eta Amayak denboraldi hartako azken jardunaldian Osasunak irabazten uzteko dirurik onartu zutenik gezurtatu du.
Amayaren abokatuak, Antonio Rodriguezek, epaitegietatik irtetean kazetariei esan die "partidetan iruzurrik ez zela egon frogatuta geratu dela", eta gehitu du "horrek ez duela zerikusirik hirugarrenei hobariak ematearekin".
Izan ere, zera gehitu du abokatuak: "Hirugarrenei sariak ematea, AFEk bere garaian azaldu zuen bezala, legeztatzen saiatzen ari dira, aspalditik legez onartuta egon behar ziren eta".
9:30etatik aurrera, Sergio Gardiak, Al-Rayyaneko jokalaria eta Espanoleko futbolari ohiak, Antonio Amayak Betiseko ohiak eta Betiseko oraingo jokalari Jorgi Figuerasek, Jorge Molinak eta Xabi Torresek hitz egin dute epailearen aurrean.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.