Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Javi Marton, Las Palmasi egindako bi goletako bat ospatzen. Argazkia: SD Eibar
SD Eibar taldeak bolada onean jarraitzen du Ipuruan. Gaur 3-1 menderatu du Las Palmas, Lehen Mailara igotzeko play-offetako postuetan sartzeko lehian aurkari zuzena duen taldeetako bat, hain justu ere.
Partida aurreikusita zegoen bezala joan da. Kanarietako taldearena izan da kontrola eta baloiaren jabetza; Beñat San Joseren mutilek, berriz, lan bikaina egin dute defentsan, ondoren joko zuzenarekin erasora jotzeko.
Lehen zatia ikusgarria izan da. Eibar indartsu atera da, eta laster hartu du aurrea markagailuan Madariagaren golari esker, baina minutu bat geroago berdinketaren gola egin du Fusterrek.
Hala ere, Javi Martonek bi gol sartu ditu atsedenaldira joan baino lehen, eta markagailua ez da gehiago aldatu.
Bigarren zatian, Las Palmasek nagusi izaten jarraitu du, eta Eibar estu hartu du hasierako minutuetan; Miyashiro izan da jokalari erasokorrena.
Edonola ere, armaginek sufritzen jakin dute, eta ondo eutsi diote emaitzari. Areago, azken txanpan Las Palmasek behera egin du, eta Eibar laugarren gola sartzeko zorian izan da.
Horrenbestez, Beñat San Joseren taldeak gora egiten segitzen du, eta EA Sports Ligara igotzeko play-offak jokatzeko 6. postua 3 puntura du jada.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.