Denboraldiko hirugarren porrota bildu du Eibarrek Sportingen aurka (2-0)
Pedro Diazek lehen zatian sartutako gol batek Sportingen garaipena bideratu zuen astelehen gauean jokatutako lehian. Gainera, hainbat aukera barkatu zizkion denboraldiko hirugarren porrota jaso zuen Eibarri (2-0).
Armaginak jokoa nola garatzen zen ikustera atera ziren, baina zuri-gorrien bultzadak eraginda, euren arearen inguruan bildu behar izan zuten. Hala, lehen minutuan, nolabaiteko arriskuko bi ekintza izan zituzten etxekoek: lehenengoa, inor iritsi ez zen Oteroren erdiraketa; bigarrena, kolonbiarraren beste erdiraketa bat, Zarfinok ozta-ozta errematatu, eta Yoelek bi aldiz gelditu zuena.
Eibartarrak pixkanaka-pixkanaka baloiaren kontrola bereganatzen joan ziren, baina horrek ez zuen etxeko atezainarentzako arrisku egoerarik ekarri, ekintza aipagarri bakarra Javi Muñozen jaurtiketa ahul eta desbideratu bat izan baitzen.
Sportingek Eibarren baloi irteera presionatu zuen, eta horrek hainbat aldiz baloia berreskuratzea ahalbidetu zion. Horietako batean, Pedro Diazek Stoichkovi kendutakoa, golean amaitu zen, erdilari zuri-gorriak jaurtiketa gurutzatu bat atera zuelako, Yoelengandik urruti amaitu zena.
Atsedenaldira iritsi baino lehen, euskal taldeak beste abiadura bat eman nahi izan zion neurketari, baina korner jaurtiketak baino ez zituen lortu, asturiarren defentsak estuasun handirik gabe aldendu zituenak.
Bigarren zatiaren hasieran Sportingek partida erabakita utzi ahal izan zuen zenbait aukera argirekin, batez ere Djurdjevicen hutsegin zuen batekin. Izan ere, Oteroren barneraldi bikain baten ondoren, baloia garbi eta atea hutsik geratu zitzaion etxekoen aurrelariari, baina zuri-gorriak kanpora bidali zuen errematea.
Geroago, etxekoek pare bat hurbilketa arriskutsu izan ondoren, Sportingek bigarren zatiko laugarren aukera izan zuen, baina Zarfinok, ia goleko marran, kanpora bidali zuen, taldekideen eta ikusleen etsipenaren aurrean.
Handik gutxira, talde gipuzkoarrak izan zuen abagune garbia Bautistaren bitartez, baina aurrelariak kanpora bidali zuen buruz Alvaro Tejeroren erdiraketa neurtua.
Sportingen Cristo Gonzalez sartu zen Djurdjevicen ordez, eta ia ukitu zuen lehen baloian 2-0koa sartu zuen, bere taldeari lasaitasuna ematen zion gol eder batekin: atzelari bati eta atezainari iskin egin, eta baloia sareetara bidali zuen angelu gutxiko erremate batean gurutzatu batekin.
Etxekoek hirugarrena sartzeko aukera ere izan zuten Jonyren erremate batean, Yoel gaindituta zegoela, baina Venanciok aldendu zuen. Horrenbestez, Gijongoak zaleekin adiskidetu ziren Eibarren aurka hiru puntuak eskuratuta; armaginek, aldiz, ez zuten ustez duten mailarik eskaini.
Fitxa teknikoa:
2 - Sporting: Mariño, Guille Rosas, Izquierdoz, Insua, Cote, Christian Rivera, Pedro Diaz (Gragera, 57. min), Otero (Pol Valentin, 77. min), Zarfino, Queipo (Jony, 68. min) eta Djurdjevic (Cristo Gonzalez, 77. min).
0 - Eibar: Yoel, Tejero, Arbilla (Venancio, 68. min), Berrocal (Aketxe. 77. min), Imanol Garcia (Correa, 55. min), Quique (Leschuk, 55. min), Sergio Alvarez, Javi Muñoz, Matheus (Corpas, 55. min), Stoichkov eta Bautista.
Golak: 1-0, 27. min: Pedro Diaz. 2-0, 85. min: Cristo Gonzalez.
Epailea: Caparros Hernandez. Txartel horiak: Cristo Gonzalez (85. min) eta Javi Muñoz (90. min).
Zure interesekoa izan daiteke
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.