Marko Dmitrovicek bihurdura du ezker belaunean
Marko Dmitrovic Eibar taldeko atezainak bihurdura du ezker belaunean, astelehen honetan jokalariari egindako proba erradiologikoen emaitzen arabera. Hala eman du jakitera klub armaginak ohar baten bidez.
Ohar horretan adierazten denez, jokalariaren errekuperazio prozesuaren "bilakaerak" zehaztuko du “noiz egongo den jokatzeko gertu”. Eibarrek hurrengo jardunaldietan partida erabakigarriei egin beharko die aurre, Osasuna, Valladolid, Elx edo Huesca aurkari zuzenak izango baititu aurrez aurre.
Atezain serbiarrak joan zen larunbatean hartu zuen min, Sevillaren aurkako neurketako lehen zatian, Es-Nesyri aurrelari sevillarrarekin tupust egin zuenean. Atsedenaldira arte jokatzen jarraitu bazuen ere, bigarren zatiko lehen minutuetan zelaia utzi behar izan zuen.
Dmitrovic, Bryan Gil erdilariarekin eta Kike Garcia aurrelariarekin batera, ezinbesteko hiru armaginetako bat da, eta bere jardunak ez dira oharkabean pasatu kontratua amaitzen zaion denboraldian.
Hori dela eta, Eibarrek Yoel ordezko atezainaren kontratua berritu du, denboraldi amaieran Dmtrovicek taldea uztea erabakiz gero, ordezko bermedun bat izateko.
Zure interesekoa izan daiteke
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.