Eibarrek puntu bat lortu du Vigon (1-1)
Celtak eta Eibarrek berdindu egin dute Balaidosen (1-1), partida bizi batean eta bi taldeentzako abaguneekin. Armaginen aldetik, Marko Dmitrovic atezain serbiarra erabakigarria izan da beste behin ere, Bryan Gilek sartutako golaren ostean berdinketari eusteko.
Galiziako taldea aurreratu da Brais Mendezek 8. minutuan sartutako gol batekin, eta apur bat geroago errenta handitzeko zorian egon da Lucas Olaza hegalekoaren jaurtiketa batekin.
Hortik aurrera, Eibarrek bere zelaian sartu du Eduardo Coudeten taldea, baina ez etxekoek ez zuten gehiegi sufritzen. Galiziarren entrenatzaileak zelai-erdia indartu nahi izan du Okay Yokuslu zelairatuta, baina bere akats baten ondorioz etorri da Bryan Gilek 53. minutuan egindako gola.
Celtak baloiaren jabetza hartu du berriro, eta aukera onak izan ditu berriro aurretik jartzeko, baina Dmitrovic erraldoi batekin egin du topo. Eibarren atezaina erabakigarria izan da Hugo Malloren burukadaren aurrean (58. min) eta Brais Mendezen bi abaguneren aurrean (68. min eta 92. min).
Fitxa teknikoa:
1 - Celta: Rubén Blanco; Hugo Mallo, Araujo, Murillo, Olaza; Beltrán (Alfon, 74. min), Tapia; Brais Méndez, Emre Mor (Okay, 46. min), Nolito (Baeza, 80. min); Santi Mina.
1 - Eibar: Dmitrovic, Pozo, Oliveira, Bigas, Soares; Recio (Diop, 75. min), Sergio Álvarez (Aleix García, 62. min); Muto, Edu Expósito, Bryan Gil; Kike García (Pedro León, 75. min).
Golak: 1-0 Brais Méndez (9. min); 1-1 Bryan Gil (53. min).
Epailea: González Fuertes. Txartel horiak: Tapia, Okay, Brais eta Santi Mina (Celta); Soares, Edu Expósito eta Recio (Eibar).
Zure interesekoa izan daiteke
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.