Eibar lehen aldiz gailendu da etxean denboraldi honetan (2-0)
Eibarrek denboraldiko lehen garaipena lortu du etxean, Bryan Golek Granadari egindako bi golei esker (2-0)
Etxean jokatu duten bederatzigarren neurketa izan da gaurkoa, eta Gil Sevillak utzitako harrobiko jokalaria izan da garaipena gauzatu duena. Lehenengo gola 55. minutuan iritsi da; Edu Expositok penalti bat jaurti du, Rui Silva atezainak baloia urruntzea lortu du, aldaratzea Gili iritsi zaio eta jokalari gazteak lehen gola egin du.
Bigarren gola, 75. minutuan iritsi da; Gilek jaurtiketa neurtua egin du ezkerreko zutoinera eta Silva gainditzea lortu du.
Aurretik, lehen zati oso orekatua jokatu dute bi taldeek. Lehen minutuan, Luis Suárez kolonbiarrak aukera argia izan du andaluziarrentzat. Atsedenaldiaren ostean, aldiz, Mendilibarren taldea jaun eta jabe izan da.
Bigarren zati horretan Suarezek beste aukera argi bat izan du, baina Marko DmitroviceK armaginen atezainak gelditu bikaina egin du. Minutu bat geroago, Golen golak lasaitasuna ekarri du. Granadak ez du inoiz Ipuruan irabazi, eta aurten ere eskuak hutsik joan da.
Fitxa teknikoa:
2 - Eibar: Dmitrovic; Pozo, Oliveira, Bigas, Soares; Diop, Expósito; Bryan Gil, Inui (Arbilla, 67. min), Enrich (Muto, 74. min) eta Kike García (Sergio García, 90. min).
0 - Granada: Rui Silva; Quini, Vallejo, Germán Sánchez, Neva (Víctor Díaz, 76. min); Gonalons (Soro, 66. min), Herrera, Kenedy (Eteki, 65. min), Súarez, Puertas eta Soldado (Molina, 65. min).
Golak: 1-0, 55. min: Bryan Gil. 2-0, 76. min: Bryan Gil.
Zure interesekoa izan daiteke
Sufrituta irabazi dio Eibarrek Andorrari (0-1)
Jokin Aranbarriren taldeak ona egin du Aleix Garridok bigarren zatiaren hasieran sartu duen gola eta etxeko setioari ondo eutsi dio Jon Magunazelaiaren kanporaketagatik jokalari bat gutxiagorekin geratu ostean.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.