Eibarrek Bernabeun irabazi nahi du lehen aldiz
Eibarrek, bere historian lehen aldiz, Bernabeun irabaztea zer den ezagutu nahi du larunbat honetan (16:15). Armaginek asteazkenean ia erabakita utzi zuten datorren denboraldian berriro Lehen Mailan arituko direla, Rayo Vallecanoren aurka (2-1) lortutako hiru puntuen bidez. Ondorioz, lasaitasunez eta Real Madril aurten azaltzen ari den gabeziak aprobetxatzeko asmoz bidaiatuko dute Madrilera.
Gainera, lehen itzulian, eibartarrek euren historiako lehendabiziko garaipena lortu zuten Real Madrilen kontra, Ipuruan 3-0 irabazita. Horrenbestez, norgehiagoka une onean iritsiko da Eibarrentzat.
Aitzitik, Jose Luis Mendilibar armaginen entrenatzaileak ondo baino hobeto daki salbazioa eskura izateak bere taldearen interesen aurka egin dezakeela. Dena dela, litekeena da taldeak izan dezakeen lasaitasun-puntua berehala usatzea zurien etxean jokatu behar dutela kontuan hartuta.
Cucurella taldera itzuliko da txartelengatiko zigorra bete ostean. Diopek, ostera, ezin izango du jokatu, lesionatu egin baitzen Rayoren aurkako neurketan. Mendilibarrek ez du jokamoldea aldatuko, baina ikusteko dago Pedro Leon hasierako hamaikakora itzuli eta Orellanak atseden hartuko duen edota Cucurella den kanpoan geratuko dena Leonen mesedetan. Zaldibarko entrenatzaileak hainbat aukera ditu, baina aurrera begira soilik, atzealdean hainbat jokalari baititu lesionatuta.
Real Madrilek, bere aldetik, helburu garbirik gabe helduko dio lehiari, liga irabaztea ezinezkoa baitu jada, aurreko jardunaldian galdu egin baitzuen Valentziaren aurka. Porrot hori madrildarren estreinakoa izan zen Zinedine Zidanek taldea zuzentzeko ardura bigarren aldiz hartu zuenetik.
Teknikari frantziarra arduratuta dago bere taldearen gol-gabezia dela-eta. Hori zuzentzeko asmoz, Gareth Bale galestarra hasieratik arituko da Karim Benzema aurrelariarekin, eta argitzear dago bi horiekin batera Iscok edo Asensiok jardungo duen.
Horrez gain, Nacho hasierako hamaikakora bueltatuko da, deialdian sartu ez den Sergio Ramosen lekua hartzeko.
Balizko hamaikakoak:
Real Madril: Keylor Navas, Odriozola, Varane, Nacho, Reguilon, Casemiro, Ceballos edo Kroos, Modric, Isco, Bale eta Benzema.
Eibar: Dmitrovic, Peña, Ramis, Oliveira, Cote, Pedro Leon, Jordan, Escalante, Cucurella, Enrich eta Charles.
Epailea: Pablo Gonzalez Fuertes.
Futbol-zelaia: Santiago Bernabeu.
Ordua: 16:15.
Zure interesekoa izan daiteke
Eibarrek garaipen handia lortu du Balaidosen, Celta Fortuna aurkari, eta bigarren postuan jarraitzen du Hypermotion Ligan (0-4)
Jokin Aranbarriren taldeak lehen zatian sartu ditu lau golak: Jon Magunazelaiak, Adu Aresek eta Jon Guruzetak, azken horrek bi aldiz, egin dituzte. Eibarrek lau garaipen jarraian daramatza, golik jaso gabe gainera.
Eibarrek porrot gogorra izan du Badalonaren aurka, Ipuruan (1-4)
Gol guztiak bigarren zatian sartu dituzte. Uribek, Requenak eta Guijarrok, 48., 63. eta 67. minutuetan, 0-3koa jarri dute; Nerea Sanchezek 1-3koa sartu du, baina Paula Sanchezek Kataluniako taldearen laugarren gola lortu du, gerora.
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.