Eibarrek Sevillaren gol jarioa eta bolada ona eten nahi du
Eibarrek Sevillaren bisita hartuko du larunbat honetan, Ipuruan. Talde andaluziarra beldurra eragiten ari da gainerako aurkariengan, azkenaldian lortu duen gol kopuru handia dela-eta; izan ere, 14 aldiz zulatu du arerioaren atea azken hiru partidetan.
Hala ere, Jose Luis Mendilibarren mutilak gero eta sendoago agertzen ari dira etxean, eta ez dute punturik ihes egiten utzi Ipuruan jokatu dituzten aurreko bi neurketetan, Reala eta Leganes azpiratuta.
Armaginek defentsako lanean oinarritu beharko dute euren jarduna, are gehiago Sevillaren azken norgehiagokak nolakoak izan diren ikusita. Lerro horretan, Ramisek lekua izango du eta Oliverarekin batera arituko da, ziurrena. Halaber, Cucurellak hamaikakoan jarrai dezake, Espanyolen aurka Bartzelonan jokatutako partida onaren ostean.
Bere aldetik, Sevillak bere zelai "madarikatu"etako bat bisitatuko du, baina denboraldiko unerik gozoenean egingo du. Uztailaren 26an ekin zion Machinen taldeak neurketa ofizialak jokatzeari, Europa Ligako hiru atariko jokatu eta taldeen fasera sailkatzeko.
Baja askorekin bidaiatuko dute andaluziarrek (Mercado, Escudero, Aleix Vidal, Gonalons eta Amadou), baina animoz gainezka, Real Madrilen aurka eman zuten erakustaldia eta gero. Hiru garaipen daramatzate errenkadan (5-1, Standard Liejaren aurka; 2-6, Levanteri egindako bisitan eta 3-0, Real Madrilen aurrean). Aipatu emaitzekin erabat aldendu dituzte Ligako hastapenean izandako zalantzak, non hiru neurketatan ezin izan zuten golik sartu, eta galdu egin zuten Betisen (1-0) eta Getaferen kontra (0-2).
Pizkunde horretan zerikusi zuzena izan dute oso eraginkor dabiltzan Andre Silva eta Ben Yedder aurrelariak. Hamar gol sartu dituzte bien artean lehendabiziko sei jardunaldietan, horietako bederatzi azken hiru partidetan, hain zuzen ere.
Balizko hamaikakoak:
Eibar: Dmitrovic; Ruben Peña, Ramis, Olivera, Cucurella, Hervias, Diop, Escalante, Orellana, Kike Garcia eta Enrich.
Sevilla: Vaclík; Carriço, Kjaer, Sergi Gomez; Jesus Navas, Banega, Roque Mesa, Arana; Sarabia, Andre Silva eta Ben Yedder.
Epailea: Xavier Estrada Fernandez.
Futbol-zelaia: Ipurua.
Ordutegia: 18:30.
Zure interesekoa izan daiteke
Eibarrek garaipen handia lortu du Balaidosen, Celta Fortuna aurkari, eta bigarren postuan jarraitzen du Hypermotion Ligan (0-4)
Jokin Aranbarriren taldeak lehen zatian sartu ditu lau golak: Jon Magunazelaiak, Adu Aresek eta Jon Guruzetak, azken horrek bi aldiz, egin dituzte. Eibarrek lau garaipen jarraian daramatza, golik jaso gabe gainera.
Eibarrek porrot gogorra izan du Badalonaren aurka, Ipuruan (1-4)
Gol guztiak bigarren zatian sartu dituzte. Uribek, Requenak eta Guijarrok, 48., 63. eta 67. minutuetan, 0-3koa jarri dute; Nerea Sanchezek 1-3koa sartu du, baina Paula Sanchezek Kataluniako taldearen laugarren gola lortu du, gerora.
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.