Eibarrek puntu bat lortu du Mestallan
Eibarrek golik gabe (0-0) berdindu du Valentziaren aurka Mestallan Ligako 30. jardunaldiko partida. Ondorioz, armaginek 44 puntu dituzte eta 5 puntura dute Europa Ligako atariko kanporaketak jokatzeko aukera ematen duen 7. postua.
Valentziak izan du baloiaren jabetza lehen minututik eta Eibar taktikoki ondo kokatuta egon da. Erasoan ez dira fin ibili bi taldeak eta lehen zatian abagune bakarra besterik ez dute izan. Rodrigok aukera ona izan du, baina jaurtiketa gehiegi gurutzatu du Yoel atezainaren aurrean. Bestalde, Eibarrek gola gertu izan du Pedro Leonek maisuki jaurtitako falta baten ondorioz, baina Neto atezainak eragotzi du armaginen gola, baloia desbideratuta.
Bigarren zatiak erritmo biziagoa izan du, eta abagune argienak Valentziak izan ditu. Erasokor ibili da Mestallako taldea, baina azken pasean ez du asmatu. Rodrigori bi gelditu on egin dizkio Yoel atezainak eta Eibarrek defentsako lana oso ondo egin du. Armaginek ez dute abagunerik sortu bigarren zatian eta neurketa golik gabeko berdinketarekin (0-0) amaitu da.
Fita teknikoa:
0 - Valentzia: Neto, Montoya, Vezo, Paulista, Gaya, Carlos Soler (Ferran Torres, m, m.81), Parejo, Kondogbia, Guedes, Santi Mina (Zaza, m.64) eta Rodrigo.
0 - Eibar: Yoel, Ruben Peña, Paulo Oliveira, David Lomban, Cote, Pape Diop (Escalante, m.72), Dani Garcia (Jordán, m.49), Pedro Leon, Orellana, Inui (Alejo, m.84) eta Kike Garcia.
Epailea: Jaime Latre. Txartel horia atera die Kondogbia eta Parejo Valenztaiko jokalariei, baita Cote, Jordan eta Kike Garcia Eibar taldeko jokalariei.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.