Eibarrek Espanyolekin berdindu du Ipuruan (1-1)
Eibarrek eta Espanyolek bana egin dute Ipuruan jokatutako partidan. Bi taldeek helburu bera izan dute: garaipena lortzea, Europako postuetara gerturatzeko. Ez da horrelakorik gertatu eta puntu banarekin konformatu behar izan dute.
Lehen laurdenean, oreka izan da nagusi. Pedro Leonek hasi du lehen golaren jokaldia. Capak pasea eman dio, baloia ondo kontrolatu du eta erdiraketa lehen zutoinera bidali du. Kike Garcia ondo kokatuta egon da eta baloia kataluniarren atean sartu du, buruarekin errematea eginez.
Atsedenaldiaren aurretik Caicedok eta Gerad Morenok berdinketa egiteko aukerak izan dituzte, baina azken metroetan ez dira oso fin ibili, Mendilibarren taldearen zorionerako.
Bigarren zatian, Eibar hobeto atera da, baina gola Espanyolek egin du. 49. minutuan, Caicedok Ramisen hutsa aprobetxatu du, baloia lapurtu dio, eta pasea Juradori eman dio, partidako bigarren gola egiteko.
Eibarrek garaipena bilatu du, baina Espanyol ondo sartu da atzean eta zelai erdian ere presioa egin du. Kontraerasora ere atera dira, arriskua sortuz. Baina ez da gol gehiagorik izan eta, azkenean, puntu bana eraman dute.
Fitxa teknikoa
1 - Eibar: Yoel; Capa, Ramis, Lejeune, Arbilla; Pedro León, Escalante, Dani García; Inui (Bebé, 80. min); Kike García (Rubén Peña, 75. min) eta Sergi Enrich.
1 - Espanyol: Diego López; Javi López, Oscar Duarte, Diego Reyes, Aarón Martín; Hernán Pérez (Marc Roca, 65. min), David López, Diop (Víctor Sánchez, 51. min), Jurado; Gerard Moreno, eta Caicedo (Vázquez, 81. min).
Golak: 1-0. 19. min. Kike García; 1-1. 49. min. Jurado.
Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.