Real Madrilek festa hondatu dio Eibarri (0-4)
Eibar galtzaile atera da Ipuruan Real madrilen aurka jokatutako partidan. 0 eta 4 nagusitu da Ancelottiren taldea, Eibarrek amore eman ez duen arren. Madrildarrak sendo dira lehen mailako sailkapenean.
Zuriak lehen zatian aurrea hartu dute Jamesek eta Cristiano Ronaldok sartutako golei esker. Bigarren zatian, Benzema eta Cristiano Ronaldo bera izan dira golegileak.
Real Madrilek partidaren erritmoa ezarri eta kontrolpean izan du. Eibartarrak adoretsu aritu dira, aukerak ere sortu dituzte, baina ez da nahikoa izan madrildarren kalitateari aurre egiteko.
22. minutuan iritsi da lehen gola, Jamesek egin du. Polemika izan da, izan ere, aurretik Benzema jokoz kanpo izan baita baloia jaso duenean.
Ondoren, Saul Berjonek berdinketa egiteko aukera paregabea izan du, baina Casillasek ondo erantzun dio aurrelariaren erremateari.
Atsedenaldiaren atarain, Cristiano Ronaldok 0 eta 2koa egin du, eskuin hankarekin egindako jaurtiketa batekin, Carvajalen pasea jaso ondoren.
Bigarren zatia
Atsedenaldiaren ostean, Real Madril eroso aritu da, eta gol gehiago egiteko aukerak izan ditu, baina Xabi Iruretagoienak geldiketa bikainak egin ditu.
68. minutuan, Benzemak madrildarren hirugarrena egin du, Bovedak defentsan egindako hutsari etekina aterata. Norgehiagoka erabakita utzi du frantziarrak.
Penaltia
81. minutuan, Cristiano Ronaldok jaurtitako faltak hesian jo du, Albentosaren besoan, eta epaileak penaltia adierazi du. Aurrelari portugaldarraren jaurtiketa eibartarren atean sartu da. Zurien laugarrena.
Fitxa teknikoa:
0 - Eibar: Xabi Iruretagoiena; Bóveda, Albentosa, Ekiza, Abraham; Errasti, Dani García; Capa, Arruabarrena (Lekic, 77. min), Saúl Berjón (Javi Lara, 77. min); eta Manu del Moral (Angel, 69. min).
4 - Real Madril: Casillas; Carvajal, Pepe, Sergio Ramos (Varane, 72. min), Marcelo; Isco, Kroos, James (Coentraro, 77. min); Bale, Benzema, Cristiano Ronaldo (Arbeloa, 83. min).
Golak: 0-1. 22. min. James; 0-2. 42. min. Cristiano Ronaldo; 0-3. 68. min. Benzema; 0-4. 82. min Cristiano Ronaldo (penaltiz).
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.