Yuri Berchichek Athleticekin berritu du, 2026-2027 denboraldirako
36 urteko ezker hegaleko atzelariak gutxienez beste denboraldi bat emango du talde zuri-gorrian. 2018an iritsi zen bertara, Paris Saint-Germain taldetik.
Yuri, San Mamesen, maiatzean jokatutako Athletic-Celta partidan. Argazkia: Europa Press.
Yuri Berchichek 2026-2027 denboraldirako berritu du Athleticekin, Bilboko klubak gaur iragarri duenez. Horrenbestez, 36 urteko ezker hegaleko atzelari zarauztarrak gutxienez beste denboraldi bat emango du Bilboko klubean. 2018an iritsi zen bertara, Paris Saint-Germain klubetik.
2025-2026 denboraldian, Athleticeko jokalarien estatistikei erreparatuta, atzelari gipuzkoarrak partidarik gehien jokatu dituen futbolarietako bat izan da. Ernesto Valverdek, ahal izan duenean, ia beti jarri du hasierako hamaikakoan, eta, halaber, talde zuri-gorriko kapitainetako bat izan da.
Yurik 2009-2010 denboraldian egin zuen debuta Lehen Mailan, Valladolidekin, eta, ordutik, talde hauen elastikoa jantzi du: Real Union (Bigarren B maila), Eibar (Bigarren Maila, Realak utzita), Reala, Paris Saint-Germain eta Athletic. 2024ko Errege Kopa eta 2021eko Superkopa irabazi ditu Athleticekin, eta Paris Saint-Germainen zebilela, 2017-2018 denboraldian, Frantziako Liga, Kopa, Ligako Kopa eta Superkopa eskuratu zituen.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.