Astralaga, Gara, Amaia Martinez, Artero eta Iribarren, utzita egon diren jokalariak, Athleticera itzuliko dira
Iragan denboraldian F Ligako taldeetan utzita jokatu zuten bost jokalariek. Guztiek, Amaia Martinezek izan ezik (2028), 2027ra arte dute kontratua.
Astralaga, Gara, Amaia Martinez, Artero eta Iribarren. Irudia: Athletic
Iragan denboraldian F Ligan utzita aritu ziren bost jokalari Athleticera itzuliko dira. Eunate Astralaga atezaina, Garazi Facila, Amaia Martinez eta Marina Artero atzelariak eta Amaia Iribarren erdilaria dira. Guztiek, Amaia Martinezek izan ezik (2028), 2027ra arte dute kontratua, Ibaiganek ohar luze batean jakinarazi duenez.
Eunate Astralagak SD Eibarren bi denboraldi eman ditu. Bigarrenean, 27 neurketa eta 2.430 minutu jokatu ditu. Guztira, 43 norgehiagoka jokatu ditu F Ligan, eta 20 urterekin itzuliko da Lezamara, atea azpian Adriana Nanclares estutzeko asmoz.
Berangoko atezainak 17 urtez azpiko Munduko Txapelketa eta 19 urtez azpiko Europako Txapelketa irabazi zituen Espainiako selekzioarekin. 2025ean Espainiako talde nagusiak deitu zuen, eta Nations Leagueko txapelduna izan zen.
Bere ildo beretik, Garazi Facila (26 urte) ezker hegaleko atzelariak maila bikaina eman du Eibarren. 2023ko udan iritsi zen Athleticera Alavesetik. Lodosako atzelaria utzita joan zen iragan udan. Garak 26 partida jokatu ditu, 2.300 minututik gora, eta gol bat sartu du.
Amaia Martinezek badaki zer den lehen talde zuri-gorriarekin debuta egitea; hala egin zuen 2022-2023 denboraldiko azken jardunaldian, Lezaman. Lehoiak amaiera eman dio RCD Espanyolen bi urteko aroari. Lehenengoan, 2024-2025ean, 24 neurketatan parte hartu zuen, eta bigarren denboraldi honetan, hiru hilabete min hartuta eman zituen Lezaman. Otsailean berragertu zen, eta ordutik, berriro sentsazioak hartu ditu, guztira 16 norgehiagoka jokatu arte (1.255 minutu).
Marina Arterok bi denboraldi eman ditu Deportivo Abancan utzita. Barrikako erdiko atzelariak lehen urteko zenbakiak errepikatu ditu Riazorren. Azken denboraldian, 19 partida ofizial jokatu ditu, 800 minututik gora.
Azkenik, Amaia Iribarrenek, azken denboraldietan harrobiko talde zuri-gorriaren zelai erdian jokalari garrantzitsua izan ondoren, F Ligan debuta egin zuen Granada CF taldearen eskutik 2024-2025ean. Talde andaluziarrean utzita jokatu ondoren, denboraldi honetan mailegua errepikatu du, baina oraingoan Eibarren. Nafarrak 1.685 minutu jokatu ditu armaginekin, F Ligako 25 norgehiagokatan eta Kopako bakarrean banatuta.
Zure interesekoa izan daiteke
Unai Simon, Munduko Txapelketako lehen partida jokatuta, selekzioetako lau txapelketa handitan ibilitako Athleticen lehen futbolaria da
Atezain murgiarrak 2020ko Eurokopa (2021ean izan zen hori), 2022ko Munduko Txapelketa eta 2024ko Eurokopa jokatu zituen, eta, 2026ko Munduko Txapelketa kontuan izanik, selekzioetako lau txapelketa handi daramatza. Halaber, 2021ean, 2020ko olinpiar jokoetan ere aritu zen.
Athleticek Patricia Zugasti berritu du 2026-2027 denboraldirako
2023ko udan ailegatu zen Lezamara Riezuko aurrelaria, CA Osasunatik.
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Javi Lerga ez da Athleticen entrenatzaile izango aurrerantzean
Nafarrak denboraldi bat eman du klub zuri-gorriaren lehen taldea entrenatzen.
Jon Uriarte, Athleticen gizonezkoen taldeak 2025-2026 denboraldian egindakoaz: “Etsigarria izan da”
Bilboko klubearen presidenteak eta Mikel Gonzalez Futboleko zuzendariak agerraldia egin dute, asteartean, San Mamesen, denboraldiaren gaineko hausnarketa egitea helburu. Uriartek eta Gonzalezek, Athleticen lehen taldeak egindakoaz gain, Edin Terzic entrenatzaile berria eta Nico Williams ere izan dituzte hizpide, besteak beste.
Jon Uriarte: “Saiatu behar gara dugun talentua bertan gera dadin”
Jon Uriarte Athleticen presidenteak taldeak egindako denboraldiaren balorazioa egin du astearte honetan, prentsaurrekoan. Aurreikusitakoa baino sasoi okerragoa egin dutela onartu du.
Irene Oguizak Athleticekin berritu du, 2029ra arte
Klub zuri-gorriaren lehen taldeko kapitainak hiru urtez luzatu du bere kontratua. Oguizak zazpi denboraldi daramatza goreneko mailan, Athleticen denak, eta, epe horretan, 113 partida ofizial jokatu ditu, 14 gol sartuta.
Unai Egiluzi beste ebakuntza bat egin diote eskuin belaunean
Orain dela hamar hilabete egindako ebakuntzan jarritako mentua ordezkatu diote, entrenamendu batean hautsi egin zitzaiolako.
Iñaki Williams, Munduko Txapelketarako, Ghanaren deialdian
Horrenbestez, lau izango dira Munduko Txapelketan parte hartuko duten jokalari zuri-gorriak.