Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Athletic Clubek eta Celtak bana egin dute San Mamesen, EA Sports Ligako 37. jardunaldiko partidan. Celtaren gola Williot Swedbergek sartu du lehen zatian eta Athleticena Iñaki Williamsek, bigarrenean. Aurtengo denboraldiko azken norgehiagoka izan da San Mamesen.
Celtaren gola partida hasi eta berahal iritsi da, laugarren minutuan, aurrea hartu Ilaix Moribak Mikel Jauregizarri baloia lapurtu ostean. Gineako nazioarteko jokalariak pase azkarra eman dio Swedbergi eta suediarrak baloia Simonen atean sartu du, jaurtiketa gurutzatu baten bidez.
Bilbotarren gola bigarren zatian izan da, 52. minutuan. Iñaki Williamsek banakoa egin du Yuriren erdiraketa errematatuz, Ruiz de Galarretak hasitako erasoko jokaldian.
Beraz, puntu bana Athletic eta Celtarentzat San Mamesen. Lehoiak agur esan diete behin betiko Europan jokatzeko zituten aukera apurrei.
Zure interesekoa izan daiteke
Ruiz de Galarreta: “Garaipenaren bidea hartu behar dugu; indar guztiak ipini behar ditugu horretan”
Bi minutu txar lehen zatian eta Laportek txartel gorria ikustea nahikoa izan dira Athletic aukerarik gabe uzteko Ciutat de Valencian (3-1)
Edin Terzic: “Guruzetaren lesioa, arazo bat baino gehiago, uste dut erronka bat dela”
Thinking Football jaialdia, azaroaren 9tik 14ra bitartean
Gorka Guruzetak ezker belauneko lotailu gurutzatua hautsita du
Berenguer: “Hirunaka batzen hasi behar dugu"
Athleticek eta Valentziak golik gabe berdindu dute Mestallan
Athleticek izerdia bota du Valentziari irabazteko (1-0)
Rayoren eta Athleticen arteko partida ateak itxita jokatuko dute, Vallecasen
