Bredewoldek irabazi du Itzulia Women lasterketa, eta Wlodarczyk nagusitu da hirugarren etapan
Azken esprintean erabaki da etapako garailea, Usoa Ostolaza (Laboral Kutxa) zarauztarra 4. helmugaratu da, eta 8. sailkatu da sailkapen nagusian.
Itzulia Womeneko podioa. Argazkia: EFE
Dominika Wlodarczyk (UAE) poloniarrak garaipena errepikatu du Donostian hasi eta bukatu den Itzulia Womeneko hirugarren etapan. Bigarren etapa irabazi ostean, gaurkoan ere izan da azkarrena azken esprintean, eta Usoa Ostolaza (Laboral Kutxa) zarauztarra laugarren helmugaratu da. Bestalde, Mischa Bredewold (SD Worx) herbeheretarrak irabazi du 2026ko Itzulia Women lasterketa.
Tropelak batera egin du etapako ibilbidearen zati handiena, Movistarrek erritmoa ezarrita. 50 kilometro ingururen faltan hasi dira lehen mugimenduak, besteak beste Paula Patiño Laboral Kutxako txirrindulariak erasoa jota, baina gutxi iraun du horren saiakerak.
Mendizorrotz mendatera heldu aurretik, esprint berezia izan dute. Usoa Ostolazak dena eman du bertan sariren bat lortzeko, eta segundo bateko saria lortu du esprint horretan hirugarren postuan sailkatuta. Bredewold izan da lehena, eta Lippert, berriz, bigarrena. Azken horrek, gainera, Donostiako esprinta ere bereganatu du.
Azken 15 kilometroetan, tropela txirrindulariak atzean uzten hasi da, Bredewold liderra, Lippert, Bauernfeind eta Vallieres tartean, eta 7 txirrindulari geratu dira buruan, Ostolaza, Kastelijn (bigarren sailkatua) eta Wlodarczyk (bigarren etapako garailea), besteak beste.
Diksonek erasoa jo du, eta atzetik jarraitu diote Ostolazak eta Wlodarczykek. Bredewoldek 15 segundora eutsi die, sailkapeneko lidertzari eusteko asmoz, baina azken kilometroetan beste martxa bat sartu du 9 segundora hurbiltzeko.
Azken kilometroan, Berthet jarri da buruan, esprinta prestatzeko, eta Wlodarczyk izan da azkarrena helmugan, Muzic izan da bigarren, eta Dikson, berriz, hirugarren. Ostolaza laugarren helmugaratu da.
Mischa Bredewold bosgarren helmugaratu da, Itzuliko lidertza ziurtatuta zuelarik. Usoa Ostolaza zortzigarren sailkatu da sailkapen nagusian, 43 segundora.
Zure interesekoa izan daiteke
Usoa Ostolaza: “Nire helburua gaur etapa irabaztea zen; hala ere, oso pozik nago”
Dominika Wlodarczyk nagusitu da azken etapan, esprintean, eta Micha Bredewoldek irabazi du 2026ko Itzulia Women; Usoa Ostolazak, berriz, laugarren egin du etapan eta zortzigarren sailkapen nagusian.
Itzulia Womeneko hirugarren etapako azken kilometroa
Azken esprintean, Wlodarczyk nagusitu da, larunbatean Zornotzan egin zuen bezala, eta Muzic, Dickson, Ostolaza, Kastelijn eta Bredewold liderra helmugaratu dira ondoren.
ZUZENEAN: 2026ko Itzulia Womeneko 3. etapa, Donostia-Donostia
Women 2026 Itzuliaren hirugarren etaparen zuzeneko emanaldia, Donostian hasi eta amaituko dena.
Wlodarczyk: “Ez nuen ezer galtzeko, eta dena neukan saiatzeko”
Dominika Wlodarczyk (UAE) poloniarraren adierazpenak, Itzulia Womeneko bigarren etapa irabazi berritan. (Adierazpenak ingelesez)
Wlodarczykek irabazitako Itzulia Womeneko bigarren etapako azken kilometroa
Azken kilometroetan, Shirin van Anrooij (Lidl-Trek) herbeheretarrak eta Dominika Wlodarczyk (UAE) poloniarrak jo dute erasoa, pelotoiari tarte txiki bat ateraz. Batera iritsi dira azken kilometrora, eta, azken metroetako esprintean pelotoiak harrapatu dituen arren, Wlodarczyk nagusitu da.
Wlodarczyk gailendu da bigarren etapan, Zornotzako esprintean
Azken kilometroetan pelotoia atzean utzi eta lehia estua mantendu du Adegeestekin, baina azken esprintean bera izan da azkarrena.
ZUZENEAN: Itzulia Womeneko 2. etapa, Abadiño - Amorebieta-Etxano
Jarraitu zuzenean 2026ko Itzulia Women lasterketako bigarren etaparen emanaldia.
Ostolaza: “Kirol bizitza bukatzean, honelako momentuekin gogoratzen zara, emaitzekin baino gehiago"
Usoa Ostolazak 7. bukatu du Itzulia Womeneko lehen etapa. Zarauztarren babesa jaso du lasterketan zehar, eta oso hunkituta agertu da izandako harreragatik.
Mischa Bredewold gailendu da Zarautzen, eta 2026ko Itzulia Womeneko lehen maillot horia jantzi du
SD Worx taldeko txirrindulari herbeheretarra nagusitu da etapan erabakigarria izan den esprintean, garaipena harekin jokatu duten lau txirrindulariak menderatuta: Yara Kastelijn, Riejanne Markus, Lauren Dickson eta Antonia Niedermaier. Usoa Ostolaza zazpigarren helmugaratu da, eta sailkapen nagusian zortzigarren sailkatu da, 31 segundora.