Iparra galduta jarraitzen du Athleticek Ligan (2-1)
Navarrok aurretik jarri ditu zuri-gorriak, baina Pequek eta Akorrek buelta eman diote markagailuari, eta Sevilla nagusitu da azkenean.
Athleticek 2-1 galdu du Sevillaren aurka larunbat honetan Sanchez Pizjuanen jokatu den EA Sports Ligako 21. jardunaldiko partida. Navarrok aurretik jarri ditu zuri-gorriak, baina Pequek eta Akorrek buelta eman diote partidari, eta punturik gabe utzi dute euskal taldea.
Txapeldunen Ligan lortutako garaipenaren bultzadarekin hasi dute partida zuri-gorriek, aurkaria goian presionatuz eta erasora joz. Hala ere, lehen sustoak etxeko taldeak eman ditu. Akor bakar-bakarrik geratu da Simonen aurrean, baina atezaina bikain aritu da gola saihesteko. Handik gutxira, Agomeren burukada bat ere gelditu behar izan du.
Bestalde, Athleticek gola sartzeko aukera paregabea izan du. Vlachodimos gaizki atera da atetik, eta baloiak Galarretaren oinetan bukatu du. Atea hutsik zegoela ikusita, urrutitik jaurti du, baina baloia kanpora joan zaio, eta aukera paregabea alferrik galdu du horrela.
Gudeljek gola sartu du Sevillaren aldeko falta batean, baina, VARean berrikusi ondoren, epaileak baliorik gabe utzi du, Paredesi falta egin baitio.
Lehen zatiko azken minutuetan, Athleticek markagailua irekitzea lortu du. Jauregizarrek eta Yurik hasi dute jokaldia, erdiraketa Izetak errematatu du, eta, atezainak atzamarrekin baloia atera ondoren, Navarrok sare barrura bidali du baloia (0-1).
Hala ere, gutxi iraun die pozak lehoiei; izan ere, hurrengo minutuan, Sevillak baloia lapurtu du, laster batean areara heldu da eta Pequek berdinketa jarri du markagailuan (1-1).
Bigarren zatia hastearekin batera, egoerak okerrera egin du Athleticentzat. Yurik eskuarekin eman dio baloiari area barruan, eta epaileak penaltia adierazi du. Akorrek 2-1ekoa jarri du markagailuan, hamaika metroko puntutik gola eginda.
Hortik aurrera, zuri-gorriei kosta egin zaie jokaldiak lotzea. Pixkana aurkariaren aterantz heltzen joan dira, baina zehaztasuna falta izan zaie azken metroetan, eta gertuago egon da etxekoen gola bisitariena baino.
Hala, Athleticek ez du punturik eskuratu Sevillan, eta sentsazio txarrak izaten jarraitzen du Ligan.
Zure interesekoa izan daiteke
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.