Athleticek, bajaz josita, play-offetarako borrokan jarraitu nahi du Bergamon
Lehoiek euren historian, 13 partidatan, bigarren garaipena lortzen saiatuko dira Italian, min hartutako jokalari ugari gabe, konkretuki, bederatzi. Horien artean Laporte, Williams anaiak, Berenguer eta Yuri, guztiak lesionatuta.
Athletic Txapeldunen Ligan, PSGren aurkako neurketan, San Mamesen. Artxiboko argazkia: EFE
Athleticek Atalantari egingo dio bisita Bergamon, min hartutako jokalari asko gabe, baina Txapeldunen Ligako play-offetarako lehian eutsiko dion garaipena lortzeko prest.
Zuri-gorriek Bergamora joateko Vueling konpainiak prestatutako hegazkin pertsonalizatu berrian egin dute lehen hegaldi ofiziala. Abiatu aurretik, jokalariek argazkia atera dute Airbus A320 hegazkinaren aurrean, konpainiak jakitera eman duenez.
Athletic bere historian, 13 partidatan, bigarren garaipena lortzen saiatuko da Italian, baina min hartutako jokalari ugari barik, zehazki, bederatzi. Horien artean Aymeric Laporte, Iñaki eta Nico Williams anaiak, Alex Berenguer eta Yuri Berchiche, denak lesionatuta eta Ernesto Valverderentzat jokalari garrantzitsuak.
Horiei gehitu behar zaizkie iraupen luzeko lesionatuak Maroan Sannadi, Beñat Prados, Unai Egiluz, eta zigortuta dagoen Yeray Alvarez.
Bada, horiek guztiak gabe, Athletic, Ligan azken 12 puntuetatik bakarra bildu ondoren, garaipena lortzen saiatuko da, Txapeldunen Ligan jarraituko duten 24 taldeen artean sartzeko asmoz.
Atalanta, aldiz, sasoi onean iritsiko da partidara. Raffaele Palladino italiarraren etorrerari esker denboraldi hasierako zalantzak uxatuta, Atalantak azken hamabi partidetatik bi bakarrik galdu ditu. Are gehiago, entrenatzaile berria heldu zenetik, hiru aldiz bakarrik galdu du eta behin berdindu du, azken jardunaldian Pisaren aurka.
Ez da Gasperinik duela urte batzuk eraiki zuen talde beldurgarri hura, baina Atalanta hau bertsio ona da.
Zazpigarren postuan dago jada Italiako Serie An, Europarako sailkatzeko asmoarekin, eta Txapeldunen Ligan bosgarren postuan, Milango Interren gainetik.
Neurketa bakarra galdu du Europako txapelketan, lehen jardunaldian PSG txapeldunaren kontra, hain zuzen ere. Ondoren, Brujasi irabazi dio, Slavia Pragarekin berdindu du, eta Olympique Marseilla, Eintracht Frankfurt eta Chelsea menderatu ditu.
- Balizko hamaikakoak:
Atalanta: Carnesecchi; Kossounou, Hien edo Djimsiti, Ahanor; Zappacosta, Roon, Ederson, Bernasconi edo Zalewskirena; De Ketelaere, Pasalic; eta Scamacca.
Athletic: Unai Simon: Gorosabel, Vivian, Paredes, Adama; Jauregizar, Rego; Robert Navarro, Sancet, Unai Gomez; eta Guruzeta.
Epailea: Danny Makkelie (Herbehereak).
Ordua: 21:00 (20:00 Euskal Herrian).
Zelaia: Bergamoko New Balance Arena (Italiako iparraldea).
Zure interesekoa izan daiteke
Ruiz de Galarreta: "Partida oso fisikoa espero dugu, kriston taldea da eta neurketa oso zaila izango da"
Hala ere, erdilari zuri-gorriak uste du "sentsazio onak berreskuratzeko toki aproposa dela ere, taldeak partida ona egiten badu eta puntuak lortzen baditugu, horrek indarra emango digulako".
Ane Azkona, Superkopako finalaurrekoaz: "Taldea ilusio handiarekin doa, eta partida ondo prestatu dugu"
Athleticek eta Bartzelonak Superkopako finalaurreko partida jokatuko dute asteazken honetan. Ane Azkona talde zuri-gorriko jokalariak neurketa nola ikusten duen azaldu du prentsaurrekoan.
Iñaki Williams baja izango da Bergamon, giharretako lesioa du eta
Athleticen kapitainak giharretako lesioa du ezker hankako trieps sonalean, talde zuri-gorriak argitaratutako osasun-partearen arabera.
Athleticek porrot latza jaso du Tenerifen (5-0)
Athleticek 5-0 galdu du Teneriferen aurka F Moeve Ligako 16. jardunaldian. Lehen zatian gol bakarra egin diete, baina bigarrenean gol zaparrada jaso dute.
Valverde: "Oso emaitza etsigarria da, eta are gehiago nola heldu den ikusita"
Ernesto Valverde haserre agertu da Son Moixen, Athleticek 3-2 galdu ostean, epailearen erabakiek baldintzatutako partida batean. Epaileak Mallorcaren aldeko bi penalti polemiko adierazi ditu VARean berrikusi eta gero, Guruzeta egotzi du, eta Lekueri (aulkian zegoen) ere txartel gorria atera dio.
Simon: "4. epaileak txartel bat ateratzeko esan dio epaileari aulkia lasaitzeko, eta gorria atera du!"
Mallorcaren aurkako partida erabat baldintzatu duten epailearen eta VARaren erabakiak izan ditu hizpide Athleticeko atezainak. Zuri-gorriek 3-2 galdu dute Jagoba Arrasateren taldearen aurka.
Athleticek porrota jaso du Son Moixen epailearen erabakiek baldintzatutako partidan (3-2)
Zuri-gorriek markagailua bi aldiz parekatu eta nortasuna erakutsi arren, epaileak adierazitako bi penaltiek eta Guruzetari eta Lekueri txartel gorria atera izanak emaitza baldintzatu dute.
Bi partidako zigorra Paredesi, Kopako final-zortzirenetan marrazain bati "kakati" deitzeagatik
Txartel gorria atera zioten (55. min) Cultural Leonesaren aurka jokatutako partidan (3-4).
Valverde: "Gure egoera ikusita, Mallorcaren aurkako partida oso garrantzitsua da"
Athleticek Mallorcaren aurka jokatuko du larunbatean, Son Moixen. Ernesto Valverderen taldeak garaipena behar du, Europara begira jarraitu nahi badu. Jagoba Arrasateren taldeak, berriz, puntuak premiaz pilatzeko beharra dauka, jaitsiera posuetatik urruntzeko.