Athleticek 4-1 galdu du Borussia Dortmunden aurka, gorabehera handiko partidu batean
Athleticek porrot gogorra jaso du Borussia Dortmunden aurka (4-1) Signal Iduna Parken. Markagailuak ez du islatzen zuri-gorriek minuturik onenetan egindako jokoa. Alemaniako taldeak aurrea hartu du Svenssonen eta Chukwuemekaren golekin, hegaletik hegalerako bi akzio azkarretan. Baina 2-0koaren ostean, Athletic suspertu egin da. Gorka Guruzetak Niklas Süleren akatsa baliatu du eta aldea murriztu du 61. minutuan. Hainbat minututan zehar, Valverderen taldea berdinketa lortzear zegoela zirudien.
Atsedenaldiaren ostean Laporte, Galarreta eta Guruzeta sartu dira, eta aldaketak eragina izan du. Athletic askatu da, lerroak estutu ditu eta Dortmund kinka larrian jarri du. Maroanek, Navarrok eta Guruk berak abagune argiak izan dituzte etxekoen hirugarren golaren aurretik.
3-1ekoa Athletic ondoen zegoenean iritsi da: Sabitzerren aurrealdetik egindako jaurtiketa batek Guirassyren kontra jo du 82. minutuan, eta Unai Simonek ez du aukerarik izan. Julian Brandtek kontraerasoan itxi du kontua. Amaiera krudela izan da Bilboko taldearentzat, 2-1ekoarekin berdinketa gertu izan baitu area barruko hainbat ekintza argitan.
Honekin, Athleticek bigarren porrota jaso du multzoen fasean, eta okertu egin zaio bidea Txapeldunen Ligan.
Fitxa teknikoa:
4 - Borussia Dortmund: Kobel; Sule (Schlotterberck, 70. min), Anton, Bensebaini; Ryerson, Sabitzer, Jobe Bellingham (Nmecha, 70. min), Svensson; Adeyemi (Brandt, 73. min), Carney Chukwuemeka (Beier, 73. min); eta Guirassy (Fabio Silva, 87. min).
1 - Athletic Club: Unai Simon; Gorosabel, Vivián (Laporte, 46. min), Paredes, Lekue; Jauregizar (Galarreta, 46. min), Rego; Iñaki Williams (Guruzeta, 46. min), Unai Gómez (Nico Serrano, 73. min), Robert Navarro; eta Maroan Sannadi (Ibon Sánchez, 80. min).
Golak: 1-0, 28. min: Svensson. 2-0, m.50: Chukwuemeka. 2-1, 61. min: Guruzeta. 3-1, 82. min: Guirassy. 4-1, 91. min: Brandt.
Epailea: Szymon Marciniak (Polonia). Txartel horiak atera dizkie Beier (89. min), Paredes (43. min) eta Gorosabel (59. min) jokalariei.
Gertaerak: Txapeldunen Ligako Liga Faseko bigarren jardunaldiko partida, Westfalenstadion (Signal Iduna Park) ia beteta 66.000 ikuslerekin. Horietatik, Athleticen 4.000 zale inguru.
Zure interesekoa izan daiteke
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.