Athleticen bazkideek urteko kontuak onartu dituzte, baina uko egin diote proposatutako kuoten igoerari
Athletic Cluben Ohiko Batzar Nagusiak 2024-2025 denboraldirako 155,8 milioiko aurrekontua onartu zuen atzo, asteartea, Euskalduna Jauregian, baita aurreko denboraldiko kudeaketa eta kontuak ere, baina baztertu egin zuten Jon Uriarteren Zuzendaritza Batzordeak proposatutako kuoten igoera.
Batzarra bare zihoan Uriarteren zuzendaritza gai-zerrendako bosgarren puntura iritsi arte; izan ere, aurreko ohiko bi batzarretan baino babes handiagoarekin onartu zituzten ordura arteko bozketa garrantzitsuak.
Aitzitik, kuotak igotzeko proposamenean huts egin zuen, talde zuri-gorriaren 43.000 bazkide baino gehiago ordezkatzen dituzten mila bazkide konpromisario inguruk ezezkoa eman baitzioten aukera horri —% 77 izan zuen kontra, 448 boto. Horren alde 114 bazkidek baino ez zuten egin (% 20). Aipatu igoera bazkide berriei, tokiz aldatzen diren bazkideei eta bazkide-txartela senide bati ematen dioten bazkideei zuzenduta zegoen.
Horrez gain, Uriarteren batzordeari beste proposamen bat ere atzera bota zioten, Peñen, Peñisten eta Klubeko Kideen Erregelamendu Proiektua, hain justu ere. Kasu horretan, % 64ko ezezkoarekin (196 boto), % 23ko babesarekin (70 boto) eta 518 abstentziorekin.
Aurrekontua, aldiz, emandako botoen hiru laurdena baino gehiagoko babesarekin onartu zen; izan ere, aurrekontuaren aldeko 493 boto izan ziren (% 76), kontrako 145 (% 22) eta 13 boto zuri (% 2), emandako 651 botoen artean.
Halaber, horren aurretik, bazkide konpromisarioek ontzat eman zituzten bai zuzendaritza batzordeak aurreko sasoian egindako kudeaketa, bai 2023-24 ikasturterako aurkeztutako urteko kontuak. Kudeaketari dagokionez, aldeko 490 botorekin (% 74) eta kontrako 145ekin (% 22) onartu zen; bere aldetik, kontuen balantzeak 509 baiezko (% 80) eta 112 ezezko (% 17,6) jaso zituen.
Amaitzeko, Athleticen bazkideek beste proposamen bat eta Zuzendaritza Batzordeak aurkeztutako bi proiektu ere onartu zituzten. Proposamena honako hau izan zen: Zuzendaritza Batzordeari baimena ematea onartutako azken gastu-aurrekontuaren % 10 gainditzen duen finantzaketa izatea. Bi proiektuak, ostera, Hauteskunde-araudien eta Erantzukizun Sozial Korporatiboaren eta Gobernantza Onaren Kodearen ingurukoak ziren.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.