Athleticek markagailua irauli eta gol zaparrada sartu dio Betisi (4-2)
Athleticek buelta eman dio Betisen aurkako partidari San Mamesen, zoratzekoa izan den lehen zatiaren ondoren. Willian Josek eta Isco Alarconek gol bana egin dute, baina etxekoek Mikel Vesgak bi penalti gauzatuta eta Gorka Guruzetak hirugarrena eginda irauli dute markagailua. Bigarren zati lasaiagoan, Unai Gomez gazteak 4-2koa itxi du.
Athletic - Betis partidako laburpena
Betisek eman du lehen kolpea, eta baita bigarrena ere, 2. eta 10. minutuetan. Lehenengoan, Marc Rocaren paseak Ayoze eta Willian Joseren arteko jokaldia ekarri du, eta brasildarrak 0-1ekoa jarri du markagailuan.
Bigarrenean, Aitor Ruibalek pasea eman dio Iscori, eta Malagakoaren erremate gurutzatua eskuadratik sartu da (0-2).
Athletic ez da kikildu, eta hiru minutu geroago Vivianen burukada batek langa jo du.
Nico eta Imanolen jaurtiketa banak eta Iñakiren gol batek, jokoz kanpo, izan dira bilbotarren hurrengo aukerak.
Bi falta ia jarraian, Rui Silvak eta Guido Rodriguezek egindakoak, Athleticen aldeko bi penalti ekarri dituzte. Vesgak hamaika metroko puntutik gauzatu ditu biak (2-2).
Indarra geratzen zitzaion oraindik Athletici lehen zatiko deskontu luzerako. Lehoiek gogotsu jarraitu dute, eta Williamsen erdiraketa indartsua Guruzetak sarera errematatu du, Athletic aurretik jartzeko (3-2).
Lehen zatiko eromenaren ondoren, aldageletatik bueltan gauzak ez dira berdinak izan.
Iscok ezin izan du baloi luze bat jaitsi Simonen aurrean, eta Williamsen erdiraketa bat Guruzetak buruz erramatatu du. Ez batak ez besteak, baina, ez dute markagailua mugitu.
Ia aldaketa guztiak egin ondoren, Unai Gomez gaztea zelairatu da etxekoen laugarren gola sartzeko, atezainak Villalibreren jaurtiketa gelditu ostean, aldaratzea jasota (4-2).
Fitxa teknikoa
4 - Athletic: Unai Simon; Lekue, Vivian, Paredes, Imanol (Yuri, 66. min); Vesga, Galarreta (Dani Garcia, 86. min); Iñaki Williams, Muniain (Unai Gomez, 66. min), Nico Williams (Villalibre, 75. min); eta Guruzeta (Berenguer, 66. min).
2 - Betis: Rui Silva; Sabaly, Pezzella, Luiz Felipe, Abner Vinicius (Miranda, 57. min); Guido Rodriguez (Paul, 65. min), Marc Roca (Guardado, 74. min); Aitor Ruibal (Rodri, 57. min), Isco, Ayoze; eta Willian Jose (Borja Iglesias, 74. min).
Golak: 0-1, 2. min: Willian Jose. 0-2, 10. min: Isco. 1-2, 30. min: Vesga, penaltiz. 2-2, 46. min: Vesga, penaltiz. 3-2, 52. min: Guruzeta. 4-2, 84. min: Unai Gomez.
Epailea: Cesar Soto Grado. Txartel horia atera die Paredes, Galarreta, Vesga, Berenguer, Guido Rodriguez eta Abner Vinicius jokalariei.
Zure interesekoa izan daiteke
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.