Elxek luzapenean sartutako gol batek Europatik urrundu du Athletic (0-1)
Athleticek Elxen aurka galdu du (0-1) igande honetan San Mamesen jokatu den Santander Ligako azken-aurreko jardunaldian. Lehoiak aurkaria baino gehiago izan dira, eta etengabe sortu dituzte gol aukerak, baina Boyek luzapenean sartutako gol batek porrota eragin die, eta Athletici oso zail jarri zaio Europarako sailkatzea.
Athletic Club – Elx partidako laburpena
Bilbotarrek ez zuten euren esku Europako postuetarako hautagai izaten jarraitzea, baina garaipena nahitaezkoa zuten, horrekin amets egiten jarraitzeko.
Lehoiak sakatzen hasi dira lehen minutuetatik, eta Elxek bere zelaian defendatzea erabaki du. Horrela, Bilboko taldea baloiaren jabe egin da, eta nahi izan duen erritmoa ezarri du.
Laster iritsi da etxekoen lehen aukera. Berenguerrek ezkerretik erdiratu du, eta atezainak kale egin du irteeran, aldaratze txarra eginda. Iñaki Williamsek baloia jaso, eta ate barrura jaurti du, atezainik gabe, baina Clercek gola eragotzi du.
Guruzetak izan du hurrengo aukera argia, Iñakiren jokaldi bikain baten ostean. 9ak jaurtzeko aukera izan du, baina nahiago izan du taldekideari utzi, eta jaurtiketak defentsarekin topo egin du berriro.
Pedro Vigasek sortu du bisitarien lehen aukera, Unai Simonek bikain gelditu duen burukada batekin, eta, jarraian, Morentek zutoinera bota du baloia, San Mames osoari sustoa emanez.
Iñaki Williamsek, Muniainek eta Berenguerrek markagailua irekitzeko aukera izan dute hurrengo minutuetan. Athletic geldiezin aritu da aurkariaren arean etengabe erasoan, baina azken metroetan asmatzea falta izan zaie.
Zortea ez da Athleticen alde egon golari begira, eta, aukera oso argiak izan arren, golik gabe joan dira aldageletara (0-0).
Yuri Berchichek izan du bigarren zatiko lehen abagunea, kornerretik. Buruz ondo jo du, baina baloia kanpora joan da, zutoinetik oso hurbil.
70. minutuan, Athleticek partidako aukerarik argiena huts egin du, Edgar Badiak geldiketa hirukoitza egin baitu. Berenguerrek ezkerretik probatu du, Iñaki Williamsek eskuinetik ondoren, eta, azkenik, dena alde zuela, Raul Garciak ezin izan du atezaina gainditu.
Gainera, luzapenean, Elxek Athleticen despiste bat aprobetxatu du areara hurbiltzeko, eta porrota ekarri duen gola egin du. Horrela, Athletici asko zaildu zaizkio Europan jokatzeko aukerak.
Fitxa teknikoa
0 - Athletic: Unai Simon; De Marcos, Vivian, Paredes, Yuri; Vesga, Sancet (Zarraga, 60. min); Iñaki Williams, Muniain (Raul Garcia, 60. min), Berenguer; eta Guruzeta (Adu Ares, 73. min).
1 - Elche: Edgar Badia; Josan, Magallan, Bigas (Enzo Roco, 29. min), Clerc; Morente, Gumbau, John, Lautaro Blanco (Pere Milla, 71. min); Fidel (Raul Guti, 78. min) eta Nteka (Lucas Boye, 78. min).
Gola: 0-1, 92. min: Lucas Boye.
Epailea: Valentin Pizarro Gomez. Txartel horia atera die Yuriri eta Clerci.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.