Athleticek berdindu egin du Valladolidekin eta agur esan dio Europako ametsari
Athleticek berdindu egin du Valladoliden aurka (2-2) San Mamesen jokatu duen Santander Ligako 33. jardunaldiko norgehiagoka. Puntu bakarra eskuratuta, zuri-gorriek atzerapausoa eman dute Europarako postuak eskuratzeko lehian.
Erritmo bizia jarri dio partidari hasieratik Athleticek, jarrera erasokorra agertuta. Zuri-gorriek arriskua eraman dute Valladoliden ate ingurura, baina abagune argiak sortzea kosta zaio. Hala ere, Marcelino Garcia Totralek zuzentzen duen taldeak presioa goialdean egiten jarraitu dute aurkariari baloia ateratzea oztopatzeko, eta presioak saria jaso du 14. minutuan; Joaquin Valladolideko jokalariak baloia aldentzean huts egin du, Morcillok jaso, eta jaurtiketa gurutzatuaren bidez Masip atezaina gainditu du (1-0).
Gola sartu ostean Athleticek jaun eta jabe izaten jarraitu du, eta Morcillo bigarren gola sartzetik gertu egon da 29. minutuan, baina jaurtiketa kanpora joan zaio. Valladolidek abagune bakarra izan du lehen zatian, eta berean gola sartu du, baina epaileak baliorik gabe utzi du Weissman jokoz kanpo egon delako.
Bigarren zatiko lehen minutuetan lehen 45etan baino gehiago egin du Valladolidek. Neurketako 52. minutuan Unai Simonek eragotzi du talde bisitariaren gola Oscar Planoren erremateari erantzun ona emanda. Lau minutu beranduago, Marcos Andreren jaurtiketa kanpora joan da. Athleticen erantzuna 58. minutuan iritsi da, baina Villalibreren erremateari erantzun paregabea eman dio Masipek. Minutu bat beranduago Masipek beste gol bat eragotzi du, Iñigo Martinezen errematea desbideratuta.
Norgehiagokako 61. minutuan hiru aldaketa egitea erabaki du Marcelino entrenatzaileak; Raul Garcia, Ibai Gomez eta debuta egin duen Nico Williams zelairatu ditu Berenguer, Sancet eta Morcillo kenduta.
Zuri-gorriek gola sartzeko aukera oso argiak alferrik galdu dituzte, eta 69. minutuan Valladolidek neurketa berdintzea lortu du; talde bisitariaren aldeko korner baten Orellanak erremate ona egin, eta banakoa (1-1) jarri du markagailuan.
Pozak, ordea, ez dio asko iraun Valladolidi, Athleticek kontraerasoa antolatu baitu 76. minutuan, zelaira sartu berria zen Iñaki Williamsek korrikaldi bizia egin du aurkari gutziak atzean utzita, area barruan pasea eman eta Raul Garciak 2-1ekoa sartu du.
Bigarren gola sartu ostean, Valladolidek berdinketaren bila jo du, baina Athleticek arazo gehiegirik gabe eutsi dio. Hala ere, Sergio Gonzalezek zuzentzen duen taldeak eskuin hegaletik egindako erdiraketa pasatzen utzi du Oscar Planok eta Weissmanek gola sartu du (2-2) penalti puntuaren paretik errematea sare barrura bidalita.
Azken txanpan, garaipenaren bila jo du Valladolidek, baina Athleticek lan ona egin du defentsan, eta partida bina (2-2) berdinduta amaitu da.
Fitxa teknikoa:
2 - Athletic Club: Unai Simon; De Marcos, Nuñez, ÍIñigo Martínez, Balenziaga; Berenguer (Nico Williams, 61. min), Unai López (Mikel Vesga, 72. min), Dani Garcia, Morcillo (Ibai, 62. min); Sancet (Raul Garcia, 62. min), Villalibre (Iñaki Williams, 72. min).
2 - Valladolid: Masip; Janko, El Yamiq, Joaquin (Kiko Olivas, 79. min), Nacho; Oscar Plano, Ruben Alcaraz (Roque Mesa, 62. min), Fede San Emeterio (Sergi Guardiola, 79. min), Orellana (Hervias, 79. min); Weissman, Marcos Andre (Michel, 62. min).
Golak: 1-0, 14. min: Morcillo. 1-1, 70. min: Orellana. 2-1, 76. min: Raul Garcia. 2-2, 85. min: Weissman.
Epailea: Adrian Cordero Vega. Txarte horia atera dio Sancet (61. min) Athleticeko jokalariari.
Zure interesekoa izan daiteke
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Javi Lerga ez da Athleticen entrenatzaile izango aurrerantzean
Nafarrak denboraldi bat eman du klub zuri-gorriaren lehen taldea entrenatzen.
Jon Uriarte, Athleticen gizonezkoen taldeak 2025-2026 denboraldian egindakoaz: “Etsigarria izan da”
Bilboko klubearen presidenteak eta Mikel Gonzalez Futboleko zuzendariak agerraldia egin dute, asteartean, San Mamesen, denboraldiaren gaineko hausnarketa egitea helburu. Uriartek eta Gonzalezek, Athleticen lehen taldeak egindakoaz gain, Edin Terzic entrenatzaile berria eta Nico Williams ere izan dituzte hizpide, besteak beste.
Jon Uriarte: “Saiatu behar gara dugun talentua bertan gera dadin”
Jon Uriarte Athleticen presidenteak taldeak egindako denboraldiaren balorazioa egin du astearte honetan, prentsaurrekoan. Aurreikusitakoa baino sasoi okerragoa egin dutela onartu du.
Irene Oguizak Athleticekin berritu du, 2029ra arte
Klub zuri-gorriaren lehen taldeko kapitainak hiru urtez luzatu du bere kontratua. Oguizak zazpi denboraldi daramatza goreneko mailan, Athleticen denak, eta, epe horretan, 113 partida ofizial jokatu ditu, 14 gol sartuta.
Unai Egiluzi beste ebakuntza bat egin diote eskuin belaunean
Orain dela hamar hilabete egindako ebakuntzan jarritako mentua ordezkatu diote, entrenamendu batean hautsi egin zitzaiolako.
Iñaki Williams, Munduko Txapelketarako, Ghanaren deialdian
Horrenbestez, lau izango dira Munduko Txapelketan parte hartuko duten jokalari zuri-gorriak.
Athleticek iragarri du Nerea Nevadok, Maite Zubietak eta Marta Sanadrik ez dutela taldean jarraituko
Nevadok eta Zubietak klub zuri-gorriarekin berritzeko aukera zuten, eta ez dute onartu; Sanadrik ere, 2025-2026 denboraldian Alavesen utzita jokatu ostean, ez du Bizkaiko taldean jarraituko.
Athleticek Alhama jipoituz itxi du liga (4-1)
Athletic Clubek 4-1 irabazi dio Alhamari Lezaman jokatu den F Moeve Ligako azken jardunaldiko partida. Daniela Agotek, Ane Camposek (2) eta Jone Amezagak egindako golek garaipena eman diete zuri-gorriei, eta denboraldiari zapore onarekin agur esan diote.
Nico: “Ezin izan diot nire taldeari lagundu, eta Munduko Txapelketan neure burua aldarrikatu nahiko nuke"
Athletic Clubeko jokalariak denboraldian bere taldeari "lagundu ezin izateagatik" sentitzen duen frustrazioaz hitz egin du, eta Munduko Txapelketan bere balioa erakutsi nahi duela nabarmendu du.