Puntu bana Athletic eta Valentziarentzat, partida bizia jokatuta (1-1)
Athleticek eta Valentziak puntu bana atera dute San Mamesen jokatutako LaLigako 22. jardunaldiko partidan. Bilbotarrek Guillamonek bere atean egindako golari esker aurretik jarri dira markagailuan, eta 2 eta 0ekoa egiteko aukera argia izan dute, baina azkenean gola aurkariak egin du eta partida bana amaitu da.
Emaitzari esker, bi taldeek gora egin dute sailkapenean; Athletic hamargarren da orain eta Valentzia hamabigarren, Athleticek baino puntu bat gutxiagorekin.
Neurketa aspergarria izan da lehen zatian, Guillamonen gola kenduta ezer gutxi gertatu baita zelaian. Gola Morcillok ezkerreko aldetik egindako erdiraketa baten ondorioz iritsi da.
Bigarren zatian joko hobea egin dute biek, erasokorragoa. Bilbotarrek 2 eta 0ekoa egiteko aukerak izan dituzte, batez ere Oihan Sancetek, baina bere jaurtiketari erantzun bikain eman dio Jaume Domenech atezainak. Valentziak ere emaitza iraultzeko aukerak izan ditu, Paulistak buruarekin banakoa egin ostean.
Bi taldeek baja garrantzitsuak izan dituzte partida jokatzeko, eta jokalari horien hutsunea nabaritu dute. Athleticek gainera denbora gutxi izan du indarrak berreskuratzeko, ostegunean Betisen aurkako Kopa partidan luzapena eta penaltiak jokatu ostean.
Ficha técnica
1 - Athletic: Unai Simón; Capa (Lekue, 74.min), Unai Nuñez, Íñigo Martínez, Balenziaga (Yuri, 74.min); Berenguer, Dani García, Vencedor (Vesga, 69.min), Morcillo (De Marcos, 69.min); Sancet (Unai López, 67.min) eta Williams.
1 - Valentzia: Jaume Doménech; Thierry Correia, Hugo Guillamón, Gabriel Paulista, Gayà; Wass (Musah, 65.min), Carlos Soler, Racic, Guedes (Alex Blanco, 90.min); Manu Vallejo (Cutrone, 65.min) eta Maxi Gómez.
Golak: 1-0, 43.min: Hugo Guillamón, bere atean. 1-1, 65.min: Gabriel Paulista.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.