Athletic final-laurdenetan izango da, Granadillari luzapenean irabazita (3-0)
Athleticek ondo sufritu behar izan du Erreginaren Kopako final-zortzirenetako kanporaketan Tenerifeko Granadilla taldea gainditzeko (3-0), luzapenera jo behar izan baitu hori erdiesteko. Bertan, Garazi Murua erdiko atzelariak (penaltiz, 98. minutuan), Lucia Garcia aurrelariak (115. minutuan) eta Vanesa Gimbertek (120. minutuan) lortu dituzte zuri-gorriei sailkapena ekarri dieten golak.
Markagailuko aldea handiegia izan da Lezamako zelai gainean ikusi denerako, lehia oso estua izan baita orokorrean. Alabaina, azkenerako gehiegizko zigorrarekin itzuli behar izan du Granadillak etxera, nahiz eta arauzko denboran zehar Athleticen pare ibili den une gehienetan.
Dena dela, Aline Reis atezain brasildarrari esker lortu dute kanariarrek neurketa berdinduta amai zedila 90. minutuak bete eta gero; izan ere, Villacamparen taldeak bi aukera garbi pilatu ditu arauzko denbora amaitu orduko. Lehendabizikoa, Luciak izan du lehen zatia bukatzear zela; alabaina, atezainaren aurrez aurre geratu denean, ez du asmatu haren irteera gainditzen. Bigarrena, berriz, bigarren zatiaren hondarrean heldu da. Oraingo horretan, Oihane Valdezateren jaurtiketa gurutzatua kornerrera desbideratzeko gai izan da Reis.
Ondoren, behin norgehiagoka luzapenean murgilduta zegoela, iritsi da partidako jokaldi erabakigarria. Patri Gavira bisitarien atzelariak ostiko argia eman dio aurpegian Ane Azkonari, arearen marra gainean justu, baloi baten lehian ari zirela. Epaileak penalti puntua adierazi du, eta Garazik Granadillako atezaina iritsi ezin izan den tokian jarri du baloia, arrasean egindako jaurtiketa indartsu batekin.
Gerora, Valdezatek eta Yulema Corresek ez dute urruti izan markagailuko aldea areagotu ahal izatea; aitzitik, zuri-gorriek 115. minutura arte itxaron behar izan dute bigarren gola erdiesteko, Luciaren eskutik. Neurketako azken jokaldian, aldiz, Gimbert izan da protagonista, atzelari beteranoak buruz egin baitu hirugarrena, korner batean.
Horrenbestez, zuri-gorriak final-laurdenetan izango dira.
Fitxa teknikoa:
3 - Athletic Club: Ainhoa Tirapu, Oihane Hernandez (Yulema Corres, 72. min), Vanesa Gimbert, Garazi Murua, Moraza; Damaris, Valdezate (Ainhoa Alvarez, 117. min), Maite Oroz; Azkona (Amaiur, 120. min), Maria Diaz Cirauqui (Nekane, 66. min) eta Lucia Garcia.
0 - UD Granadilla Tenerife Egatesa: Aline Reis, Aleksandra, Jujuga, Patri Gavira, Joyce Borini, Natalia Ramos; Allegra (Koko, 66. min), Pleurer (Adamek, 101. min), Eva Llamas, Tatiana Matveeva 'Tata' (María José Pérez, 57. min) eta Cristina Martin-Prieto (Ana Gonzalez, 74. min).
Golak: 1-0, 98. min: Garazi Murua, penaltiz. 2-0, 115. min: Lucia Garcia. 3-0, 120. min: Vanesa Gimbert.
Epailea: Sara Fernandez Ceferino. Txartel horiak: Moraza, Ainhoa, Lucia Garcia, Maite Oroz (Athletic); Martín-Prieto, Joyce, Patri Gavira, Eva Llamas, Natalia Ramos eta Aleksandra (Granadilla).
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.