Bosgarren partida jarraian berdindu du Athleticek Ligan (1-1)
Espanyolek eta Athleticek bana egin dute RCDE Stadiumean jokatutako partida, Villalibrek eta Raul de Tomasek egindako golekin. Aukera gutxiko partida izan da eta ez bata ez bestea ez dira emaitzarekin gustura geratu.
Bilbotarrak aurretik jarri dira 12. minutuan. Villalibrek baloia kataluniarren atean sartu du, aurretik prestatutako jokaldi batean, korner baten ondorioz. Muniainek baloia Williamsi eman dio eta honek berriro Muniaini itzuli dio baloia, erdiraketa arean sartzeko. Villalibrek bere lehen gola egin du Lehen Mailan.
27. minutuan, lehoiak bigarrena sartzear izan dira baina Diego Lopezek bikain atera du eskua Yurik egindako jaurtiketa aldaratzeko.
Athletic jaun eta jabe izan da zelaian, eta Garitanoren jokalariek bigarren golaren bila jarraitu dute.
Bigarren zatian, gauzak ez dira lehen minutuetan asko aldatu, baina gola etxekoek egin dute. 64. minutuan, Raul de Tomas leku eta momentu egokian agertu da baloia Herrerinen atean sartzeko.
Bosgarren berdinketa jarraian da Athleticentzat Ligan. Espanyolek, berriz, etxean irabazi gabe jarraitzen du.
Fitxa teknikoa
1 - Espanyol: Diego López; Víctor Sánchez (Lluís López, 61. min), Bernardo, Cabrera, Dídac; Darder, David López, Marc Roca, Melendo (Embarba, 57. min); Calleri (Wu Lei, 83. min) eta De Tomás.
1 - Athletic Club: Herrerín; Capa, Yeray, Núñez, Iñigo Martínez, Yuri; Dani García, Vesga, Muniain (Beñat, 82. min); Williams (Raúl García, 69. min) eta Villalibre (Kodro, 84. min).
Golak: 0-1, 12. min: Villalibre; 1-1, 64. min: Raúl de Tomás.
Zure interesekoa izan daiteke
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.