Athleticek berdindu egin du Celtaren aurka, garaipena merezi izan duen arren
Athleticek bana (1-1) berdindu du Celtaren aurka San Mamesen, Ligako 20. jardunaldiko partidan, garaipena merezi izan duen arren. Ondorioz, talde zuri-gorria 30 punturekin da sailkapenean, Europarako postuetatik puntu bakarrera.
Lehen zatia erritmo biziarekin hasi da, eta bi taldeek abagune argiak izan dituzte. Athletic izan da baloiaren jabe, eta abagune onenak izan dituena. Raul Garciak ez du asmatu zazpigarren minutuan, Yurik erdiratutako baloia kanpora bidalita. Lau minutu beranduago, Murillo gola bere atean sartzetik gertu egon da, eta, 35. minutuan Muniainek oso abagune argia huts egin du, area txikian egin duen errematea Ruben Blanco atezainaren gorputzera bidalita. Minutu bat lehenago, Iago Herrerin atezainak Rafinharen errematea gelditu du, eta, Santi Minak aukera paregabea huts egin du 40. minutuan.
Bigarren zatiaren hasieran ere, etxeko taldea izan da nagusi, eta abagunea izan du gutxigatik kanpora joan den Iñigo Martinezen erremate batekin. Williamsek arriskua sortu du hegaletik, eta Yeray ere gola sartzetik hurbil egon da, baina ezin izan du Ruben Blancok defendatutako atea zulatu.Celtak, Athleticen nagusitasuna parekatzea lortu du, baina ez du abagunerik sortu. Hala ere, 56. minutuan, Rafinhak area kanpotik jaurti, baloiak Yerayrengan jo, eta 0-1ekoa egin du.
Golaren ostean, minutu on batzuk izan ditu Vigoko taldeak, baina Athletic ondo egon da defentsako lanean. Ondoren, berriro nagusi izan da talde zuri-gorria. Villalibreren erremate batekin berdintzeko zorian egon da etxeko taldea, eta Raul Garciaren boleakada ere gutxigatik kanpora joan da. Ekinean ibili da Gaizka Garitanok zuzentzen duen taldea, eta, 76. minutuan jaso du saria Raul Garciak penaltiz sartu duen golarekin (1-1). Muniainek erdiratu eta Fran Beltranek eskuarekin moztu du baloia; beraz, epaileak penaltia adierazi du.
Berdinketa lortuta, Athletic jaun eta jabe izan da. Erasora jo dute zuri-gorriek, garaipenaren bila itsu-itsuan, eta abaguneak izan dituzte, baina ez dira fin ibili aurkariaren ate aurrean. Villalibrek bikain errematatu du Ruben Blancoren aurrean, baina Aidook atera du atepetik. Raul Garciak txilenaz egin duen errematearen ondorioz oso gertu izan du garaipena Athleticek, baina Celtako defentsak beste behin golaren zulotik aldendu du baloia. Horiexek izan dira azken abaguneak, eta partida berdinduta amaitu da.
Fitxa teknikoa:
1 - Athletic Club: Iago Herrerín; Capa, Yeray, Iñigo Martínez, Yuri; Dani García, Unai López; Williams (Lekue, m.81), Muniain, Ibai; y Raúl García (Villalibre, m.66).
1 - Celta: Rubén Blanco; Kevin Vázquez, Araujo, Murillo, Olaza; Okay Yokuslu, Rafinha (Denis Suárez, m.79), Fran Beltrán; Brais Méndez (Aidoo, m.87), Iago Aspas y Santi Mina (Pape Cheikh, m.68).
Golak: 0-1, 56. min: Rafinha. 1-1, 76. min: Raul Garcia, penaltiz.
Epailea: David Medie Jimenez. Txarytel horiak atera dizkie Capa (12. min), Unai Lopez (19. min), Yuri (27. min) eta Iñigo Martinez (83. min) Athleticek jokalariei, baita Araujo (23. min), Ruben (72. min) eta Kevin Vazquez (92. min) Celtako futbolariei.
VAReko epailea: Carlos del Cerro Grande.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".