Sanchez Pizjuan zelaian berdinketa erdietsi ondoren, begiz jota du Athleticek Europa
Berdinketa izan da nagusi Sanchez Pizjuan zelaian Sevillaren eta Athleticen artean. Biek ala biek puntu bana eskuratu dute, beraz, Europara begira jarrita. Sevillak Txapeldunen Ligako postuetan jarraitzen du eta zuri-gorriek Europako postuak gero eta hurbilago dituzte.
Sevillakoa ez da zelai batere kuttuna zuri-gorrientzat, izan ere, bertan zelairatutako azken aldietan ez dute emaitza bereziki onik eskuratu.
Bernabeun lortutako berdinketa baliotsuarekin eman zioten amaiera zuri-gorriek 2019. urteari eta bolada onari jarraipena emanez iritsi nahi du 2020an Europan aritzera.
Neurketaren aurreneko ordu laurdenean gehiegi sufritu gabe aritu da Athletic, eta ordu laurden horren bukaeran Ander Capak lehen gola egin du zuri-gorriei nagusitasuna emanez. Ezker hankarekin kontrola egin eta arean sartzea lortu du, eskuinarekin jaurti eta gola eginez (0-1).
Baloia galdu gabe aritu da hurrengo minutuetan Athletic, baina atsedenaldiaren ostean, Sevillak bestelako aurpegia eskaini du, askoz ere lehiakorragoa eta jokaldietan are eta arriskutsuago aurkeztuz.
49. minutuan, epaileak baliogabetu egin du Kodroren gola, jokalari zuri-gorria jokoz kanpo baitzegoen. Athleticek ondo jo du kontraerasoan.
60. minutuan, ordea, berdinketaren gola iritsi da, Nuñezek bere atean sartu baitu baloia (1-1).
Bigarren zatia aldapatsua izan da oso Athleticentzat Sevillak indar handia erakutsi baitu, baina eustea lortu du Garitanoren taldeak.
Bi aldaketa egin ditu entrenatzaile zuri-gorriak, lehena Villalibre zelairatu du Kodroren ordez, eta bigarrena, Williamsek min hartu du eta Unai Lopez zelairatu du bere ordez.
Bukatze aldera, bai Sevilla bai Athletic nor baino nor gehiago aritu dira azken unera arte. Talde andaluziarreko jokalariak azken aukeraren bila aritu dira luzapenean, baina zurigorriek eustea lortu dute. Puntu banaketa, beraz, Sanchez Pizjuan zelaian eta jada zuri-gorriek begiz jota dute Europan jokatzeko aukera.
Fitxa teknikoa:
1 - Sevilla: Vaclik; Jesus Navas, Carriço (Escudero, 46.m), Diego Carlos, Kounde; Jordan, Fernando, Banega; Ocampos, Munir (Franco Vazquez, 82.m), Oliver Torres (De Jong, 46.m).
1 - Athletic: Unai Simon; Capa, Yeray, Unai Nuñez, Iñigo Martinez, Yuri; Raul Garcia, Dani Garcia, Mikel Vesga; Williams (Unai Lopez, 73.m), Kodro (Villalibre, 70.m).
Golak: 0-1, 15.m: Capa. 1-1, 60.m: Unai Nuñez, bere atean.
Epailea: Jose Luis Gonzalez Gonzalez.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.