Athleticek puntu bat bildu du berriz ere etxetik kanpo (1-1)
Athleticek galdu gabe jarraitzen du 2019-2020 denboraldiko Liga txapelketan sei jardunaldi bete direnean, berdinketa lortu baitu asteazken honetan Leganesen zelaian (1-1).
Lehenengo zatia golik gabe amaitu eta gero, zuri-gorriek aurrea hartu dute markagailuan bigarren zatian, 58. minutuan. Epaileari penaltia iruditu zaio area barruan Bustinzak Larrabazalekin izan duen lehia, eta hala zigortu du.
Raul Garciak ez du barkatu hamaika metroetatik, asteburuan Alavesen aurka egin zuen legez.
Alabaina, hiru minutu geroago, etxekoek markagailua orekatu dute falta-jaurtiketa baten bidez. Oscar Rodriguezek areaz kanpotik jaurti du, zuzenean, eta gaur atezain gisa jokatu duen Iago Herrerinek ez du gelditzerik izan.
Berdinketak ez die minik egin Gaizka Garitanoren mutilei, eta gola egiteko zorian izan dira ia berehala, bai Raul Garciak egindako jaurtiketa batekin, bai Dani Garciak korner batean buruz egin duen errematearekin.
Gerora, zuri-gorriek penaltia eskatu dute Leganesen area barruan Awaziemek eskuz jo duelako; haatik, epaileak Iñigo Martinezen erasoko falta adierazi du, jokaldia VAR sistemari esker ikuskatu eta gero.
Azkenerako, neurketa berdinketarekin amaitu da, eta Athleticek 12 punturekin hartuko du Valentziaren bisita larunbatean.
Fitxa teknikoa:
1 - Leganes: Juan Soriano, Marc Navarro (Arnaiz, 70. min), Bustinza, Omeruo, Awaziem, Kevin Rodrigues, Ruben Perez, Roque Mesa (Recio, 84. min), Oscar Rodriguez; En-Nesyri eta Carrillo (Braithwaite, 70. min).
1 - Athletic: Herrerin, Capa, Nuñez, Iñigo Martinez, Yuri Berchiche, Beñat, Dani Garcia; Larra (Ibai, 78. min), Córdoba (Muniain, 46. min), Raul Garcia eta Williams (Kodro, 89. min).
Golak: 0-1, 58. min: Raul Garcia. 1-1, 61. min: Oscar Rodriguez.
Epailea: Gonzalez Gonzalez. Txartel horiak: Dani Garcia (75. min).
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.