Athleticek garaipena lortu du Atleticoren aurka eta Europarako lehian sartu da
Athleticek garaipena lortu du Atletico Madrilen aurka (2-0) San Mamesen, igande honetan. Bizkaiko taldeak 37 puntu ditu orain, eta Europarako txartela ematen duten postuen lehian sartu da bete-betean.
Erasokor ekin dio neurketari Athleticek, nahiz eta kosta egin zaion abaguneak izatea. Atletico Madril sendo egon da defentsako lanean hasierako minutuetan, baina erasoan ez du ezer egin. Lehen zati guztian, talde koltxoneroak ez du gol-aukera bakarra sortu. Ibaik izan du neurketako lehen abagunea laugarren minutuan, baina jaurtiketa gutxigatik kanpora joan zaio. Hogei minutu beranduago etorri da talde bizkaitarraren bigarren gol-aukera, Nuñezek Oblaken eskuetara bota duen erremate baten bitartez. Athleticek lehen zatian izan duen azken aukera 35. minutuan iritsi da, baina Ibaik boleaz egin duen jaurtiketa Oblak atezainak desbideratu du, gelditu on bat eginda.
Bigarren zatia hasi bezain laster, abagunea izan du Atletico Madrilek. Dani Garciak, ordea, ondo moztu du Diego Costak Moratari eman nahi izan dion pasea. Talde bakoitzak penalti bana eskatu du, baina epaileak ez du bietako bat ere adierazi, ezta VARak ere.
Athletici atzerago defendatzea egokitu zaio bigarren zatian, baina ez du gehiegi sufritu. Gainera, Atleticoren lehen abaguneari erantzun dio, Muniainek buruz egin duen errematearekin, baina Oblak atezainak harrapatu du baloia. Ondoren, Gaizka Garitanok Muniain kendu eta Iñigo Cordoba zelairatu du. Gauzak horrela, Cordoba erabakigarria izan da Athleticen garaipenean, asko eman baitio taldeari. Cordobak, berak, baloia lapurtu dio Gimenezi, area barruan sartu da, pasea eman du bigarren zutoinera, eta hortxe agertu da Williams, 1-0ekoa sartzeko.
Gola sartu eta aurrea hartu ostean, Garitano entrenatzaileak beste aldaketa bat egin du; Raul Garcia kendu eta Kenan Kodro sartu du, 84. minutuan. Kodrok, zelaira irten eta 27. segundoan sartu du gola. Aurrelari zuri-gorriak baloia jaso, arean sartu, eta Oblak atezaina gainditu du, jaurtiketak Gimenzengan jo ostean (2-0). Kodroren lehen gola izan da Athleticeko jokalari gisa.
Azken minutuetan erasora jo du Atletico Madrilek. Herrerin atezainak koltxoneroen gola eragotzi du, Thomasen jaurtiketa on bat desbideratuta, eta hortxe amaitu dira Atleticoren aukera guztiak. Amaieran, Athleticentzat hiru puntuak.
Fitxa teknikoa:
2 - Athletic Club: Herrerin; De Marcos, Nuñez, Yeray, Yuri; Dani Garcia, San Jose; Ibai (Lekue, 91. min), Raul Garcia (Kenan Kodro, 84. min), Muniain (Cordoba, 72. min); eta Williams.
0 - Atletico Madril: Oblak; Juanfran (Correa, 80. min), Gimenez, Godin, Saul; Thomas, Rodrigo, Koke; Griezmann, Diego Costa eta Morata.
Golak: 1-0, 73. min: Williams. 2-0, 85. min: Kenan Kodro.
Epailea: Santiago Jaime Latre. Oscar el 'Profe' Ortega Atleticoko prestatzaile fisikoa egotzi du, 73. minutuan. Txartel horiak atera dizkie Raul Garcia (37. min), San Jose (67. min) eta Yeray (81. min) Athleticeko jokalariei, baina Atletico Madrileko futbolaria den Rodrigori (45. min).
VAReko epailea: Alejandro Jose Hernandez Hernandez.
Zure interesekoa izan daiteke
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Athletic nahi eta ezin aritu da Granadaren aurka Lezaman (1-2)
Athleticek 1-2 galdu du Granadaren aurka Lezaman jokatu duen partida. Andaluziako taldea oso eraginkorra izan da, eta 0-2 aurreratu da markagailuan. Talde zuri-gorriari asko kostatu zaio Granadaren atea zulatzea, eta gola luzapenean sartu du. Ane Elexpuruk egin du.
Valverde: “Partida guztiak estutu nahi ditugu puntuak batzeko"
Athletic Clubeko entrenatzaileak Atletico Madrilen aurka Ligako 32. jardunaldian jokatuko duten partidaz hitz egin du.
Terzic alemaniarra, Athleticeko entrenatzaile izatetik oso gertu
Hainbat hedabidek baieztatu dute Borussia Dortmundeko entrenatzaile ohia aukeratu duela Jon Uriarteren zuzendaritzak Ernesto Valverde ordezkatzeko, datorren denboralditik aurrera.
Patri Zugastik eta Bibi Schulzek alta medikoa jaso dute
Athleticeko bi jokalariak eskuragarri egonen dira Javi Lerga entrenatzailearentzat, F Ligaren azken txanparako.
Gorosabel: “Ondo sufritu dugu eta hiru puntuak eraman ditugu”
Gorka Guruzetak sartu du Athletici Osasunaren aurkako partidan garaipena eman dion gola. Aurrelaria pozik agertu da "irabazi nahi zutelako eta lortu dutelako".
Guruzetaren gol batek eta Simonen geldiketek derbia erabaki dute San Mamesen (1-0)
Valverderen taldeak arnasa hartu du, egindako lanak garaipena ekarri dio eta. Lehen zatian Osasuna nahiko makal azaldu da, baina bigarrenean gehiago merezi izan du. Baina Ante Budimirrek, gorritxoen heroia izaten denak, ez du bere arratsalderik onena izan, eta ez du asmatu ate aurrean.
Jon Uriartek bere bigarren agintaldiari hasiera eman dio, Ibaiganen
Larunbatean berriro presidente izendatu ondoren, arratsaldean, Ibaigane Jauregiaren atarian egin ohi den argazkiarekin bigarren legealdiari hasiera eman diote. Aurreko zuzendaritzako 11 kide izango dira berriro karguan, eta zortzi kolaboratzaile batu zaizkie, horien artean Javier Landeta Euskadiko Futbol Federazioaren presidente ohia.
Jon Uriartek Athleticeko presidente izaten jarraituko du, 2030era arte
Uriarte 2022tik 2026ra bitartean ere izan da klubeko lehendakaritzan. Athleticeko hauteskundeetan, hautagaitza bakarra aurkeztu da, Uriarte bera lider duena; hala, presidente moduan segituko du, hurrengo lau urteetarako., Hauteskunde Batzordeak aldarrikatu duenez.