Raul Garciak puntu bat eman dio Athletici Espanyolen gol goiztiarra berdinduta (1-1)
Athleticek eta Espanyolek berdindu egin dute San Mamesen. Kanpotarrek oso goiz hartu dute aurrea markagailuan, Facundo Ferreyra argentinarrak sartutako golaren bidez (9. minutua), baina partidaren azken aldera Raul Garciak berdinketaren gola erdietsi du (81. minutua).
Neurketaren ekimena bereganatuz ekin diote lehiari zuri-gorriek, katalanak zain zeudela. Hasiera gartsu hori aprobetxatzeko zorian izan dira bilbotarrak, baina Raul Garciak area barruan Muniani orpoz eman nahi izan dion paseak ez du behar adina indar izan, eta Espanyoleko atzelariek arriskua aldendu ahal izan dute.
Aitzitik, eraginkorrago agertu da Rubik entrenatzen duen taldea izan duen lehen aukeran. Granerok Wu Lei bilatu du bilbotarren defentsaren atzealdean, eta aurrelari txinatarrak buruz utzi dio baloia atzetik heldu den Ferreyrari, hark sareetara bortitz erremata zezan.
Etxekoek ez dute ondo hartu gola, eta lehen zatiaren erdialdera arte noraezean ibili dira. Izan duten aukerarik argiena Susaetaren jokaldi batean etorri da. Eibarreko hegalekoak izkin egin die bere defendatzaileei, baina bere zartako arriskutsua kornerrera aldendu du Diego Lopezek.
Bigarren zatia hastearekin bat Kodrok Williamsen lekua hartu du zelaian, eta zuri-gorriak etengabe hurbildu dira Espanyolen atera, batez ere erdiraketen bitartez. Horietako arriskutsuenak Ibai Gomezek jarri ditu. Santutxukoa arauzko denbora betetzeko 15 minutu falta zirela sartu da zelaian Susaetaren ordez, eta oinaren kanpoaldearekin egin ohi dituen erdiraketa horietako batean, Raul Garciak ezin hobeto errematatu du baloia, Diego Lopez heldu ezin zitekeen lekuan jarriz.
Nafarrak denboraldi honetan sartu duen bosgarren gola izan da Espanyolen aurka erdietsitakoa; gainera, berak lortu ditu Athleticek sartu dituen azken lau golak.
Berdinketa honekin talde biak sailkapenaren erdialdean geratuko dira jardunaldiko gainerako emaitzen faltan. Biek dituzte 34 puntu, jaitsierako postuak 11ra aldendu dituzte, eta Europa Ligarako eskubidea ematen duten tokietatik hirura daude.
Fitxa teknikoa:
1 - Athletic: Iago Herrerin, De Marcos, Yeray, Iñigo Martinez, Yuri, Dani Garcia (Beñat, 63. min), San Jose, Susaeta (Ibai, 75. min), Raul Garcia, Muniain eta Williams (Kodro, 46. min).
1 - Espanyol: Diego Lopez, Rosales, Naldo, Hermoso, Javi Lopez, Marc Roca, Melendo (Pedrosa, 85. min), Granero, Hernan Perez (Víctor Sanchez, 70. min), Ferreyra eta Wu Lei (Puado, 60. min).
Golak: 0-1, 9. min: Ferreyra. 1-1, 81. min: Raul Garcia.
Epailea: Gonzalez Fuertes. Txartel horiak: Dani Garcia e Iñigo (Athletic); Ferreyra, Mario Hermoso, Melendo, Granero eta Victor Sanchez (Espanyol).
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.