Wu Lei, Espanyolek duen harribitxi txinatarra
Wu Lei zirrara handia eragiten ari da Espanyoleko zaleen artean, Ligan, eta, batez ere Txinan. Neguko merkatuan fitxatu zuen talde perikitoak. Ordutik, oso maitatua da RCDE Stadiumeko zaleen artean, klubari merkatuko aukera itzela ireki dio, eta Txinako hainbat komunikabide gerturatzen dira Espanyolen entrenamenduetara eta partidetara.
Athleticek Espanyol izango du aurkari datorren ostiralean San Mamesen. Wu Lei kalitate handiko jokalaria da, eta defentsa zuri-gorriek tentuz zaindu beharko dute. Ez zen harritzekoa izango San Mameseko harmailetan hainbat zale txinatar ikustea, Wu Leik Ligan jokatzeak zirrara handia sortu baitu Txinan.
Wu Lei 'fenomenoa'ren bost gako:
1. Bi milioi euro kostatu den fitxaketa
Espanyolek denboraldi honetako neguko merkatuan fitxatu zuen Wu Lei. Hala ere, klub perikitoak ez zuen fitxaketaren prezioa publikatu, Shangai SIPG haren talde ohiarekin zuen akordio konfidentzialagatik. Klubak fitxaketaren zifrak jakitera eman ez arren, Guangzhou Daily komunikabide txinatarrak publikatu zuen, operazioa bi milioi eurotan itxi zela.
2. Debuta, 40 milioi txinatarrek ikusi zuten
Wu Leik Ligan egin zuen debuta 40 milioi txinatarrek ikusi zuten. Txinako jokalariak Vila-ralen aurkako partidan egin zuen debuta Ceramica estadioko berdegunera 78. minutuan zelairatuta. Maila ona eman zuen, eta Espanyoleko teknikariek zein taldekideek beti azpimarratu dute Wu Leik taldera egokitzeko azaldu duen borondatea.
3. Ligan sartutako lehen golak 25 milioi ikusle harrapatu zituen
Wu Leik bere lehen gola sartu zuen Ligan, Valladoliden aurka, martxoaren 2an. Datuek diotenaren arabera, 25 milioi zalek ikusi zuten zuzenean, Wu Leik RCDE Stadiumean Valladoliden aurka sartu zuen gola, 3-1ekoa.
4. Hamaika milioi bilaketa Baidun, Google txinatarrean
Inork ez zuen Wu Leik Ligan sartu zuen lehen gola galdu. Zuzenean ikusi ez zuten zaleek, internet bidez topatu zuten gola ikusteko bidea. Konkretuki, Wu Leik Valladoliden aurka sartutako 3-1ekoak, hamaika mlioi bilaketa izan zituen Baidu bilatzailean, Txinan Google bilatzailearen parekoa denean.
5. Fitxaketa mediatiko bat baino gehiago: 27 gol
Wu Leik oihartzun handia eman dio Espanyoli Txinan, maila mediatikoan, zein sare sozialetan. Hala ere, hori baino gehiago da Wu Lei. Txinako Superligan 27 gol sartu zituen azken denboraldian, eta goleko zortzi pase eman zituen. 2018ko Txinako Urrezko Baloia irabazi zuen Wu Leik.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.