Athletic da golik gutxien jaso duen taldea, Garitano entrenatzaile denetik
Athletic da azken hamaika jardunaldietan Santander Ligan golik gutxien hartu duen taldea, hau da, Gaizka Garitano entrenatzaile lanetan hasi zenetik, hain zuzen ere. Bost gol besterik ez diete sartu zuri-gorriei ordutik hona (0,45 gol partidako).
Jardunaldi horren aurretik (Ligako 25.a), Bartzelona zegoen aitzinetik atal horretako sailkapenean (aurreko hamar norgehiagoketan lau gol jaso zituen talde katalanak); Sevillak igandean Ter Stegen atezainari bi gol sartu ondoren, baina, Athletic jarri da sailkapen horretako buruan.
Garitano Athleticen entrenatzaile bihurtu denetik, Herrerin atezainak zazpi aldiz utzi du bere atea hutsean. Gainera, behin bakarrik sartu dizkiote gol bat baino gehiago (Anoetan, Realaren aurka jokatutako euskal derbian, 2-1).
Girona, Sevilla, Betis, Bartzelona eta Eibar izan dira San Mamesen golik egin ez duten taldeak, eta Alaves eta Huesca ibili dira antzu euren etxean bilbotarren atearen aurrean.
Bestalde, Valladolidek soilik zulatu du bilbotarren atea 'Katedralean' (1-1). Etxetik kanpo, berriz, Vigon, Vila-realen eta Donostian jaso dituzte golak zuri-gorriek.
Beste kontu bat da aldeko golen auzia. Garitanoren taldeak ez du gol askorik egiten; izan ere, hamaika gol lortu ditu bere aginduetara jokatu diren beste horrenbeste jardunalditan (gol bat partidako).
Zure interesekoa izan daiteke
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Athletic nahi eta ezin aritu da Granadaren aurka Lezaman (1-2)
Athleticek 1-2 galdu du Granadaren aurka Lezaman jokatu duen partida. Andaluziako taldea oso eraginkorra izan da, eta 0-2 aurreratu da markagailuan. Talde zuri-gorriari asko kostatu zaio Granadaren atea zulatzea, eta gola luzapenean sartu du. Ane Elexpuruk egin du.
Valverde: “Partida guztiak estutu nahi ditugu puntuak batzeko"
Athletic Clubeko entrenatzaileak Atletico Madrilen aurka Ligako 32. jardunaldian jokatuko duten partidaz hitz egin du.
Terzic alemaniarra, Athleticeko entrenatzaile izatetik oso gertu
Hainbat hedabidek baieztatu dute Borussia Dortmundeko entrenatzaile ohia aukeratu duela Jon Uriarteren zuzendaritzak Ernesto Valverde ordezkatzeko, datorren denboralditik aurrera.
Patri Zugastik eta Bibi Schulzek alta medikoa jaso dute
Athleticeko bi jokalariak eskuragarri egonen dira Javi Lerga entrenatzailearentzat, F Ligaren azken txanparako.
Gorosabel: “Ondo sufritu dugu eta hiru puntuak eraman ditugu”
Gorka Guruzetak sartu du Athletici Osasunaren aurkako partidan garaipena eman dion gola. Aurrelaria pozik agertu da "irabazi nahi zutelako eta lortu dutelako".
Guruzetaren gol batek eta Simonen geldiketek derbia erabaki dute San Mamesen (1-0)
Valverderen taldeak arnasa hartu du, egindako lanak garaipena ekarri dio eta. Lehen zatian Osasuna nahiko makal azaldu da, baina bigarrenean gehiago merezi izan du. Baina Ante Budimirrek, gorritxoen heroia izaten denak, ez du bere arratsalderik onena izan, eta ez du asmatu ate aurrean.
Jon Uriartek bere bigarren agintaldiari hasiera eman dio, Ibaiganen
Larunbatean berriro presidente izendatu ondoren, arratsaldean, Ibaigane Jauregiaren atarian egin ohi den argazkiarekin bigarren legealdiari hasiera eman diote. Aurreko zuzendaritzako 11 kide izango dira berriro karguan, eta zortzi kolaboratzaile batu zaizkie, horien artean Javier Landeta Euskadiko Futbol Federazioaren presidente ohia.
Jon Uriartek Athleticeko presidente izaten jarraituko du, 2030era arte
Uriarte 2022tik 2026ra bitartean ere izan da klubeko lehendakaritzan. Athleticeko hauteskundeetan, hautagaitza bakarra aurkeztu da, Uriarte bera lider duena; hala, presidente moduan segituko du, hurrengo lau urteetarako., Hauteskunde Batzordeak aldarrikatu duenez.