Athleticen eta Sevillaren arteko lehen neurketa
Athleticen eta Sevillaren arteko Kopako final-zortzirenetako joaneko partida hartuko du San Mamesek gaur, ostegunean, 19:30etik aurrera. Neurketa hori bi taldeek zazpi egunen buruan elkarren aurka jokatuko duten hiru norgehiagoketako lehena izango da (Kopan bi, aste barruan, eta Ligan bat, asteburuan).
Zuri-gorriek baikor ekingo diote lehia horri, astelehenean Celtaren aurka erdietsi zuten garaipenaren ostean (1-2). Vigon lortutako hiru puntuei esker jaitsiera postuetatik atera dira Gaizka Garitanoren mutilak, bost jardunaldi zuloan murgilduta igaro eta gero.
Itxura guztien arabera, Athleticen entrenatzaileak aldaketa ugari egingo ditu hamaikakoan. Hartara, Balaidosen aulkian egon zirenek (Unai Simon, Mikel San Jose, Markel Susaeta, Peru Nolaskoain edo Aritz Aduriz) edota bertan jokatzerik izan ez zutenek (Yeray Alvarez) hasieratik aritzeko aukerak izan ditzakete oraingoan.
Beste berritasunetako bat Iñigo Vicente gaztea izan daiteke. Garitanok prentsaurrekoan aurreratu duenez, deialdian sartuko du eta baliteke bere aukera izatea harrobiko futbolariak, hasieratik ez bada ere.
Zuri-gorrien aldetik hainbat jokalari daude lesionatuta; izan ere, dagoeneko min hartuta zebiltzan Iñigo Lekueri eta Mikel Ricori Yuri Berchiche eta Raul Garcia gehitu zaizkiela jakinarazi du Athleticek ohar baten bidez.
Horrez gain, ez da segurua Dani Garcia eta Iñaki Williams jokatzeko moduan izango direnik, min hartuta bukatu baitzuten Celtaren kontrako neurketa.
Sevillari dagokionez, sasoiko helduko da Bilbora, hirugarren baitago sailkatuta Ligan.
Dena dela, San Mames ez da zelai kuttuna andaluziarrentzat, bertan jokatu duten azken hamabi partidetatik bederatzi galdu baitituzte. Lortutako garaipen horiek 2008/2009 (1-2) eta 2009/2010 (0-4) denboraldietan heldu ziren, Ligan. Hirugarren garaipena 2016an eskuratutakoa izan zen (1-2), Europa Ligako final-laurdenetan, hain zuzen ere.
Balizko hamaikakoak:
Athletic: Unai Simon, Capa, Yeray, Iñigo Martinez, Balenziaga, Susaeta, San Jose, Nolaskoain, Iñigo Vicente, Muniain eta Aduriz.
Sevilla: Vaclik, Gnagnon, Carriço, Sergi Gomez, Jesus Navas, Sarabia, Amadou, Franco Vazquez, Escudero, Ben Yedder eta Andre Silva edo Promes.
Epailea: Carlos del Cerro Grande.
Futbol-zelaia: San Mames.
Ordua: 19:30.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.