Athleticek arnasbidea aurkitu nahi du Kopan
Athleticek eta Huescak indarrak neurtuko dituzte gaur, asteazkena, San Mamesen, Errege Kopako final-hamaseirenetako joaneko partidan. Batak zein besteak Ligan bizi duten egoera zailaren lasaigarri gisa baliatu nahi dute norgehiagoka, MTVko kontzertuak zirela-eta bere garaian jokatu ezin izan zena.
Huescakoak Lehen Mailako azken postuan daude sailkatuta (7 puntu); bilbotarrak ez daude askoz hobeto, 18. tokian baitaude, 11 punturekin. Harrigarria bada ere, talde biek ondo ekin zioten txapelketari, bakoitzak bere lehen neurketa irabazi baitzuen: Athleticek, Leganesen aurka, etxean; Huescak, Eibarren kontra, Ipuruan.
Hortik aurrera, hamabi lehia jarraian kateatu dituzte garaipenik lortu gabe. Gainera, bigarren jardunaldian elkarren aurka jokatu zuten, Bilbon, eta bina egin zuten.
Horrenbestez, etxekoen aldetik Eduardo Berizzok ezin izango ditu erabili joan zen igandean, Getaferen aurkako partidan, lesionatu ziren Raul Garcia eta Mikel Balenziaga, ezta aurretik min hartuta zebilen Mikel Rico ere.
Kontrara, entrenatzaile argentinarrak Yuri Berchiche jokatzeko gertu izango du, eta Yeray Alvarezek ere minutu batzuk izan ditzake. Ezker hegalekoari dagokionez, ezin izan zuen igandean parte hartu, hiru partidako zigorra jaso baitzuen Ligan, Atletico Madrilen kontrako neurketaren ostean epaileak atera zizkion txartelengatik.
Berizzok astearte honetan eman duen prentsaurrekotik antzeman daitekeenez, Unai Simon atezainak eta Aritz Adurizek hasieratik joka dezakete. Horrez gain, Raul Garciaren lesioak aukera eman diezaieke Gorka Guruzeta, Iñigo Cordoba edota Cristian Ganeari. Dena dela, zuri-gorrien teknikariak azaldu duenez, ez du aldaketa asko egingo igandeko taldetik, "jarraitutasuna" eman nahi baitio hamaikakoari.
Bisitarien aldetik, Huescarentzat partida ez dator sasoi onean, aitzinean aipatu legez, bera baita sailkapeneko azkena. Haatik, hobetzen dagoela dirudi, sentsazioen aldetik behintzat. Gora egin du joko arloan, baina hobekuntza horrek ez du islarik izan emaitzetan. Izan ere, Leo Francoren ordezko gisa jarri duten Franciscoren etorrerak ez die puntu gehiago ekarri.
Asteazken honetako lehiari begira, litekeena da Ligan minutu gutxien izaten ari diren jokalariek zelai gainean jarduteko aukera izatea.
Balizko hamaikakoak:
Athletic: Unai Simon, Capa, Unai Nuñez, Iñigo Martinez, Yuri Berchiche, Dani García, Beñat, Muniain, Susaeta, Williams eta Aduriz.
Huesca: Werner, Miramon, Insua, Semedo, Brezancic, Aguilera, Sastre, Gurler, Rivera, Gallar eta Longo.
Epailea: Gonzalez Gonzalez.
Futbol-zelaia: San Mames.
Ordua: 20:45.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.