Athleticek galdu egin du Espanyolen aurka beste partida txar bat jokatuta
Athleticek 1-0 galdu du Espanyolen etxean, eta esku hutsik itzuli da beste behin katalanen zelaitik, non 20 urte daramatzan irabazi gabe. Horrenbestez, jaitsiera postuetatik puntu bakarrera geratu da Berizzoren taldea, 10 norgehiagoka garaipenik lortu gabe kateatu ostean.
Norgehiagokaren hasieran, faltak eta erdiraketa antzuak izan dira nagusi talde bien partetik. Alabaina, berehala heldu da lehen eragozpena bilbotarrentzat, 17. minutan Yerayk zelaia utzi behar izan baitu lesionatuta. Haren ordez Unai Nuñez zelairatu da.
Partidaren lehen ordu erdia pasata iritsi da lehiako lehen aukera, eta etxekoen aldekoa izan da, hain zuzen ere. Sergio Garciak ez du asmatu Iago Herrerinen aurrean, bere errematea eme-eme harrapatu baitu atezain zuri-gorriak.
Norgehiagoka trabatuta zegoen, baina jokaldi solte batean etxekoak aurretik jarri dira. Baloia Espanyolen ezker hegalera iritsi da 42. minutuan, eta bertan zegoen Didacek baloia bigarren zutoinera erdiratu du, han zegoen Borja Iglesiasek buruz sare barrura erremata zezan.
Kolpe horren aurrean, Athleticek ez du amore eman. Hala, justu hurrengo jokaldian, Iñaki Williamsek hiru aurkari utzi ditu atzean, baina bere ahaleginak zutoinaren aurka jo du. Ondoren, lehen zatiaren luzapenean, Raul Garcia saiatu da areaz kanpotik egindako jaurtiketa batekin, baina Diego Lopez atezainak gelditu ona egin dio.
Aldageletatik bueltan Espanyol gehiago izan da, eta aukera garbiak pilatu ditu Berizzoren taldearen ezinaren aurrean. Besteak beste, 53. minutuan Sergi Garciari kanpora joan zaio baloi loratu bat atezaina gaindituta zegoela.
Handik gutxira, Darder eta Borja Iglesiasek ez dute azken metroetan asmatu beste abagune garbi batean.
Athletic saiatu da sakatzen, arriskutsuak izan zitezkeen zenbait hurbilketa izan baititu, baina oso sendo jardun duen etxekoen defentsak ezerezean utzi ditu.
Fitxa teknikoa:
RCD Espanyol 1: Diego Lopez; Javi Lopez, David Lopez, Hermoso, Didac; Darder, Marc Roca, Granero (Victor Sanchez, 87. min); Sergio Garcia (Puado, 78. min), Baptistao (Piatti, 64. min) eta Borja Iglesias.
Athletic 0: Herrerin; De Marcos, Yeray (Unai Nuñez, 17. min), Iñigo Martinez, Yuri; Daniel Garcia; Williams, San Jose, Rico (Muniain, 63. min), Raul Garcia eta Aduriz (Susaeta, 70. min).
Gola: 1-0, 42. min: Borja Iglesias.
Epailea: González Fuertes. Txartel horiak: Granero (Espanyol); San Jose, Dani Garcia eta Unai Núñez (Athletic).
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.