Athleticek zalantzak uxatu nahi ditu Vallecasen
Athleticek eta Rayok Ligako hirugarren jardunaldiari dagokion partida jokatuko dute gaur, 19:00etan, Vallecasko futbol-zelaian. Norgehiagoka oso garrantzitsua da bi taldeentzat, garaipen beharrarekin baitabiltza denboraldi hasiera honetan, sailkapeneko azken postuetatik aldentzeko asmoz.
Zuri-gorriek ez dute lehiarik irabazi txapelketako lehen jardunalditik, eta madrildarrek irailaren 14an lortu zuten euren azken garaipena. Datu horien ondorioz, Rayo azken-aurrekoa da sailkapenean, eta Athletic, hamazazpigarrena.
Eduardo Berizzo argentinarrak oraindik ez du aurkitu bere taldearen jokatzeko modu egokia, eta, gainera, atzean egindako akatsek puntuak galtzea ekarri diote taldeari zenbait norgehiagokatan. Hartara, Rayo bigarren dago gol gehien jaso duten taldeen sailkapenean, baina bilbotarrak hirugarren daude sailkapen horretan.
Athleticen entrenatzaileak neurketaren bezperan emandako prentsaurrekoan aurreratu duenez, Iago Herrerin atezaina eta Aritz Aduriz aurrelaria hasieratik arituko dira.
Horrez gain, Iker Muniain eta Unai Lopez ere hasierako hamaikakoan egon daitezkeela gaineratu du, nahiz eta jokalari biak batera aritzeko proba ez zen ondo atera aurreko igandean, Eibarren kontra, entrenatzaileak berak onartu zuenez.
Rayori dagokionez, bost puntu besterik ez du zortzi partida jokatuta. Garaipen bakarra lortu du, azken postuan dagoen Huescaren aurka, hain zuzen ere. 18 gol jaso ditu, hots, bi gol baino gehiago neurketa bakoitzeko.
Emaitza horiek kezka sortu dute madrildarren zaleen artean, batez ere etxean lortutako emaitzak oso txarrak direlako. Lau partida jokatu ditu Vallecasen, eta 12 puntutik bakarra lortu du: Espanyolen aurka (2-2), hain justu ere. Gainerako hiru neurketak, berriz, galdu egin ditu: Sevilla (1-4), Alaves (1-5) eta Getafe (1-2) taldeen kontrakoak.
Balizko hamaikakoak:
Rayo Vallecano: Alberto; Advincula, Amat, Galvez, Alex Moreno; Embarba, Imbula, Comesaña, Bebe; Kakuta; eta De Tomas.
Athletic: Iago Herrerin; De Marcos, Yeray, Iñigo Martinez, Balenziaga; San Jose, Unai Lopez, Muniain; Susaeta, Williams eta Aduriz.
Epailea: Cuadra Fernández.
Futbol-zelaia: Vallecas.
Ordua: 19:00.
Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.