Athletic sailkatu egin da, nahiz eta galdu egin duen etxean (1-2)
Athleticek berretsi egin du bere Europa Ligako final-zortzirenak jokatzeko sailkapena, nahiz eta galdu egin duen etxean (1-2) Spartaken aurka. Partidaren aurretik ertzain bat hil da, San Mames inguruan izan diren istiluetan.
Jose Angel Zigandaren mutilek 1-3ko abantaila lortu zuten duela zazpi egun Moskun, baina sailkapena arriskuan izan dute lehia bukatzeko bost minuturen faltan errusiarrek bigarren gola egin dutenean. Spartaken balizko hirugarren gol batek luzapena ekarri izango zukeen, baina zorionez ez da heldu, eta zale zuri-gorriek txapelketa honi helduta jarraituko dute, Ligan denboraldi kaskarra egiten ari baitira eta Kopatik uste baino lehen atera baitziren.
Etxeitak sailkapena berretsi du
Nahiz eta Athleticen entrenatzaileak Aduriz aulkitxoan utzi duen, zuri-gorriak agintzen hasi dira neurketa, zain zegoen Spartaken aurrean.
Errusiarrak, ordea, pixkanaka partidara egokitzen joan dira, eta arrisku handirik sortu ez duten urrutiko jaurtiketa zenbaiten egin dituzte.
Aitzitik, partida atsedenaldira hutsean iritsiko dela zirudienean, errusiarrak aurretik jarri dira markagailuan, eskuin hegaletik egindako jokaldi baten ostean. Baloia Luiz Adrianoren burura iritsi da, eta brasildarrak ondo bihurritu du burua erremate ona egin eta Herrerinen ahalegina gainditzeko.
Kanporaketa arriskuan egon zitekeela ikustean etorri dira etxekoen minuturik eta aukerarik onenak. Horietako batean, Saboritek ezker hegaletik egindako jokaldian, baloia penalti puntura heldu da, eta inguruan zegoen Etxeitak burukada indartsua eman dio baloiari, zeinaren aurrean atezain errusiarrak ezin izan duen ezer egin.
Gol horrekin bazirudien kanporaketa guztiz erabakita zegoela, baina errusiarrek ez dute amore eman, eta azken txanpan beldur puntua eragin dute harmailetan, Melgarejoren bitartez lortu duten bigarren golarekin.
Alabaina, gol hori ez da nahikoa izan luzapena behartzeko, eta, horrenbestez, Zigandarenak aurrera egin dute txapelketan
Fitxa teknikoa:
Athletic Club 1: Iago Herrerín; Lekue, Yeray, Etxeita, Saborit; De Marcos, Iturraspe, Mikel Rico (San José, 53. min), Susaeta; Raúl García (Aduriz, 84. min) eta Williams (Córdoba, 92. min).
Spartak Mosku 2: Selikhov; Eschenko, Tasci (Kutepov, 11. min), Bocchetti, Kombarov; Pasalic (Melgarejo, 70. min), Glushakov; Zobnin, Hanni (Ze Luis, 59. min), Promes; eta Luiz Adriano.
Golak: 0-1, 44. min: Luiz Adriano. 1-1, 57. min: Etxeita. 1-2, 85. min: Melgarejo.
Epailea: Tobias Stieler (Alemania). Txartel horiak: San Jose, Aduriz (Athletic) eta Bocchetti Eschenko, Glushakov (Spartak).
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.