Laportek idatzi labur baten bitartez esan die agur Athletici eta zaleei
Aymeric Laporte Manchester Cityko jokalari berria da, astelehen honetan Ingalaterrako taldeak jokalari frantziarraren etete-klausula (65 milioi euro) ordaindu baitu Futbol Profesionaleko Ligaren egoitzan.
Laporte bere Instagrameko kontuan idatzi duen eskutitz batekin esan dio agur Athletici: "Lerro hauen bitartez, Athletici eta zaleei agur esan nahi diet. Agur esateko prentsaurreko bat eskaintzea gustatuko zitzaidan, baina Athletic prest egon den arren, ezin izan dut prentsaurrekoa eskaini, nire klub berriaren arauak betetzeagatik. Seguruenik, sare sozialetan gauzak publikatuko ditut nire sentimenduak azaleratzeko. Klubari idatzi diodana baino zerbait gehiago luzatuko naiz hemen".
"Mutiko bat nintzela Bilbora heldu nintzenetk, 2009-2010. denboraldian, esperientzia asko bizitzea egokitu zait; batzuk kirol-esparruan eta beste batzuk pertsona moduan. Orain naizen pertsona naiz, nola hartu ninduten eta eskaini didaten tratu onaren eraginez. Elkarkidetasuna, taldekidearenganako errespetua, erantzukizuna garaipenean eta porrotean... Gauza horiek guztiak erakutsi dizkidate hemen. Kirol erronkak ere gogoan ditut: Nire debuta jubeniletan duela 7 urte, nire lehen gola -Txantrearen aurka- maila horretan, Basconian jokatu izana, Bilbao Athleticen jokatu nuen garaia, nire lehen adiskidantzazko partida, lehen taldearekin debuta eta nire lehen adierazpenak mikrofonoen aurrean Europan, nire lehen gola -Getaferen aurka-, baita ikusi nuen lehen txartel gorria ere. Honek guztiak, ikasteko balio izan dit", gaineratu du jokalari frantziarrak.
Athleticen filosofiari buruz ere hitz egin du Laportek: "Talde berezi eta ezberdin bati buruz hitz egiten dudanean, Athletici buruz hitz egiten dut, eta ez da filisofia hobea edo txarragoa izatearen kontua. Asterixen eta Obelixen ipuin baten modan sentitu naiz. Bizipen honek Europa Ligan eta Txapeldunen Ligan jokatzea ahalbidetu dit, eta titulu bat ere irabazi dut Europako talde handienetako baten aurka jokatuta. Baina, batez ere, taldekide bikainekin, teknikari ezin hobeekin eta zelaitik kanpo ezagutu ditudan pertsona bikainekin egoteko ohorea izan dut".
Azkenik, bere irteera ez dela agur bat eta "gero arte" bat dela gaineratu du: "Athleticeko jokalaria izatea ez dut inoiz ahaztuko. Hemen egin naiz jokalari eta gizon. Horregatik gustatuko litzaidake hau agur bat ez izatea, gero arte bat baizik. Eskerrik asko bihotzez".
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.