Manchester Cityk Laporteren etete-klausula ordaindu du
Manchester Cityk Aymeric Laporteren etete-klausula ordaindu du astelehen honetan Espainiako Futbol Liga Profesionalaren egoitzan. Ingalaterrako klubak, etete-klausulak eskatzen zituen 65 milioi euroak ordaindu ditu.
Ondorioz, Laportek Athletick utzi du, eta Manchester Cityko jokalari berria da. Frantziarrak asteartean sinatuko du kontratu berria Cityrekin eta asteartean bertan izango da aurkezpena.
"Urtarrilaren 29an, astelehenean, Futbol Liga Profesionalak Athletic Clubari adierazi dio Aymeric Laporte jokalariak gure klubarekin lotzen zuen aldebakarreko kontratua-eteteko gaur egungo arautegiak eskatzen dituen betebeharrak bete dituela. Egiaztapenaren arabera, jokalariak 2009-10 denboralditik Athletic Clubarekin lotzen zuen kontratua bere ekimenez amaitzeko borondatea azaldu du, kontratuan ezarritako etete-klausularen kopurua ordaindiuta", jakinarazi du Athleticek bere webgunean.
Klubak eskertu egin dio Laporteri urte hauetan guztietan egindako lana: "Athletic Clubek, Aymeric Laporteri eskertu gura dio gurean egon den denboraldi guztietan eman duen guztia".
"Zentzu honetan Athletic Clubek lanean segituko du, bere lehen taldeko partaide izatea jokalari guztien xederik handiena izan dadin, arlo pertsonalean zein profesionalean, proiektu eta kirol filosofia berezi baten ordezkariak diren heinean. Gure etorkizuna iraganean libreki hartutako aukeran datza, harrotasunari loturik dagoena. Ideia honekin ehunka jokalarik bat egin dute gure lehen taldea aukera eta jomuga bihurtuz, bai euren kirol ibilbidean Athleticen nahita mantendu direnak, baita klubeko partaide izateari utzi diotenak uneko kirol erabakiak direla eta. Azken finean, jokalariak benetako konpromiso pertsonal eta kolektibo baten protagonistak dira, eta Athletic osatzen dugunoi bat egitea baino ez zaigu geratzen", gaineratu du Bilboko klubak.
Hurrengo egunotan, zehazteke dauden data eta ordutegian, Josu Urrutia presidenteak prentsaurrekoa eskainiko du.
Laporte, Athleticen 2009tik
Athleticek 2009. urtean fitxatu zuen Laporte, baina 16 urte bete gabe zituenez, Aviron Bayonen ibili zen jokatzen denboraldi horretan, nahiz eta Lezaman entrenatzen zuen sarritan. Talde zuri-gorriko gazte-mailetatik pasa ostean, Basconian ere jokatu zuen, baita Bilbao Athleticen ere. 2012. urteko azaroaren 28an egin zuen debuta Athleticen lehen taldearekin Europa Ligan, Hapoel Kiryat taldearen aurka. Marcelo Bielsa entrenatzaileak igo zuen lehen taldera, eta klubak lehen taldeko kontraua egin zion 2012ko abenduaren 17an. Ordutik, sei denboraldi jokatu ditu Lehen Mailan Athleticekin eta 2018ko urtarrilaren 29an utzi du klub zuri-gorria, Manchester Cityn jokatzeko.
tzeko.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.