Athletic final-hamaseirenetan da multzoko lehen sailkatu bezala, Zoryari irabazita
Athleticek 0-2 irabazi dio Zoryari eta Europa Ligako final-hamaseirenetarako txartela lortu du. Gainera, Hertha Berilenek eta Ostersundsek bana (1-1) berdindu dutenez, zuri-gorriak J multzoko lehen sailkatu bezala pasa dira hurrengo fasera.
Talde zuri-gorria aurkariaren zain zelairatu da, atzean sartuta eta Zoryari baloiaren jabetza utzita. Zigandak esan zuen ez zirela berdinketaren bila aterako, irabaztera baizik, baina Athleticek berdinketa bilatu du lehen minututik, lehen zatian behintzat. Ukrainako taldea izan da baloiaren jabe eta Herrerinek defendatutako ate ingurura sarritan iritsi den arren, ez du abagune argirik sortu. Athletic atzean sartuta egon da, eta erasoan ez du arriskurik sortu lehen minutuetan. Neurketako 25. minutuan, ordea, lehen abagunea izan dute zuri-gorriek eta berean gola sartu dute; epaileak, ordea, baliorik gabe utzi du Williamsen gola. Erdiraketa baten ostean, Adurizek eman dio pasea Williamsi eta honek sare barrura bidali du baloia. Epaileak Adurizen jokoz kanpoko posizioa adierazi du, baina kale egin du nabarmen epaile jaunak. Ondoren, 34. minutuan, Raul Garciak txilenaz egin duen errematea kanpora joan da oso gutxigatik.
Bigarren zatiaren hasieran ere Zorya izan da baloiaren jabe. Etxeko taldea erasokor zelairatu da atsedenaldiaren ostean, baina Athleticen areara erraz iristen izan den arren, ez du abagune argirik sortu. Azken pasea eta azken errematea falta izan zaizkio Zoryari. Minutuak aurrera joan ahala, zuri-gorriak nagusitzen hasi dira. Horrela, 51. minutuan, Adurizek jokaldi paregabea egin du, arean sartu da, eta Zoryako atezainak zuri-gorrien gola eragotzi du, Adurizen jaurtiketa desbideratuta. Hurrengo jokaldian, Susaetak kornerra atera eta San Josek buruz egin duen errematea, kanpora gutxigatik. Nagusi izan da Athletic bigarren 45 minutuetan, baina ezin gola sartu. Norgehiagokako 64. minutuan, langara bidali du errematea Raul Garciak. Ekinean jarraitu du Zigandak zuzentzen duen taldeak eta ekinak saria jaso du 70. minutuan; Raul Garciak erdiratu, eta Adurizek 0-1ekoa sartu du. Gola sartu ostean, areagotu egin da Athleticen nagusitasuna eta Zoryako atezainak zuri-gorrien bigarren gola eragotzi du, Raul Garciaren erremateari erantzun bikaina emanda. Raul Garcia gola bilatzen ibili da partida guztian zehar, eta lortu egin du 86. minutuan; Susaetak falta bikain erdiratu, eta Raul Garciak 0-2koa egin du, atezaina gaindituta. Bigarren golak guztiz erabakita utzi du partida eta Athletic Europa Ligako final-hamaseirenetan egongo da.
Fitxa teknikoa:
0 - Zorya Luhansk: Lunin; Gordienko, Kharatin, Svatok, Sukhotsky; Babenko (Kochergin, m.75) Andriyevskiy; Karavaev, Iury (Silas, m.62), Lunov (Kavaiev, m.46); eta Gromov.
2 - Athletic Club: Iago Herrerin; Lekue, Unai Nuñez, Laporte, Balenziaga; Williams (Cordoba, m.79), San José, Mikel Rico, Susaeta; Raul Garcia (Aketxe, m.93) eta Aduriz (Sabin Merino, m.89).
Golak: 0-1, m.69: Aduriz. 0-2, m.86: Raul Garcia.
Epailea: Ruddy Buquet.
g>Ruddy Buquet.Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.