Athleticek partida bakarra galdu du talde alemaniarren aurka San Mamesen
Athleticek Hertha Berlinen aurka jokatuko du ostegunean San Mamesen Europa Ligako multzoen faseko bosgarren jardunaldiko partida. Estatistikei begiratuta, zuri-gorriek behin bakarrik galdu dute talde alemaniarren aurka etxean jokatu dituen sei aldietan.
Bizkaiko taldeak jaso zuen porrot bakarra Werder Bremenen aurka (0-3) izan zen 2009ko abenduaren 16an. Europa Ligako neurketa izan zen, eta Athletic hurrengo faserako sailkatuta zegoen. Pizarro, Naldo eta Rosenberg izan ziren golegileak.
Alemaniarren aurka San Mamesen jokatutako beste bost partidetan, Athleticek hiru garaipen eta bi berdinketa lortu zituen. Azken garaipena, Ausburgoren aurka izan zen 3-1eko emaitzarekin; Adurizek bi gol sartu zituen, eta Susaetak bat. Lehen garaipena 1968-1969. denboraldiko Ferias Kopan lortu zuen Athleticek Eintracht Francforten aurka 1-0eko emaitzarekin eta Fidel Uriarte izan zen golegilea. 1986-1987. denboraldiko UEFA Kopan Magdeburgori irabazi zion Athleticek (2-0) Txetxu Gallegoren eta Pizo Gomezen golekin.
Katedralean talde alemaniarrek lortu zituzten berdinketa biak, binako (2-2) emaitzekin amaitu ziren: 1971-1972. denboraldian Eintracht Braunhweigen aurka (Uriarte eta Rojo II/Erler eta Brundl) eta 2011-2012. denboraldian Schalke 04ren aurka (Ibai Gomez eta Susaeta/Huntelaar eta Raul). Azken denboraldi honetan, Europa Ligako finala jokatu zuen Athleticek.
Athleticek San Mamesen talde alemniarren aurka jokatutako partidak:
1969-1-8 Ferias Kopa Athletic Club-Eintracht Francfort 1-0
1971-11-3 UEFA Kopa Athletic Club-Eintracht Braunschweig 2-2
1986-9-17 UEFA Kopa Athletic Club-Magdeburgo 2-0
2009-12-16 Europa Liga Athletic Club-Werder Bremen 0-3
2012-4-5 Europa Liga Athletic Club-Schalke 04 2-2
2015-9-17 Europa Liga Athletic Club-Augsburgo 3-1
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.