Athleticek berdinketa besterik ezin izan du lortu Formenteran
Athleticek bana berdindu du asteazken honetan Formenteran jokatu duen Errege Kopako final-hamaseirenetako joaneko partidan. Zuri-gorriek emaitza positiboa eskuratu dute galtzen joan eta gero, baina norgehiagokak ez die balio izan Zigandaren mutilei azken boladan daramaten joko kaskarra itxuraldatzek.
Formenterak erasokor hasi du partida, eta hastapeneko minutuetan partidako erritmoaren ardura berak eraman du. Behin, lehen 10 minutuak igarota, Athleticek baloia eskuratu du eta jokaldiak lotzen saiatu da, baina ez du lan erraza izan, zelaiaren ezaugarri bereziengatik (belar artifiziala) eta etxeko taldea erabat atzean sartuta egon baita.
Horrela joan da partida, lehen zatiko ia ordu erdia bete arte. Athletic saiatzen zen Formenterako atezainaren inguruetara heltzen, batez ere Aketxeren urrutiko jaurtiketen bidez, eta Kike Solak area barruan egindako erremate baten bitartez, baina denak atezainaren eskuetara heldu dira gozo-gozo. Aurretik, Saboritek ez du baliatzen jakin Susaetak eskuin hegalean egin duen jokaldi polita. Eibartarrak bigarren zutoinera erdiratu du, baina ezker-hegalekoak langatik gora bidali du jaurtiketa indartsu bat.
Athletic apenas arriskurik sortzeko gai ez zela ikusita, etxekoak indarberritu egin dira, eta bi abagune arriskutsu izan dituzte atsedenaldira heldu bitartean, Kepak indargabetu dituenak. Horietako batean, 35. minutuan, geldiketa bikaina egin dio area barruan buruz errematatu duen Formenterako jokalariari.
Aldageletatik bueltan, partidak antzera jarraitu du: baloia Athleticena zen, baina Formentera gehiago hurbiltzen izan da. Hurbilketa horietako batean, etxekoek falta bat atera dute 61. minutuan, area barruan nahastea sortu da eta Fernando Liñan argi ibili da baloia sare barrura bidaltzeko.
Aitzitik, zuri-gorriek berehala berdindu dute lehia, 64. minutuan, hain zuzen ere. Kike Solaren ordez atera berria zen Raul Garciak primeran errematatu baitu buruz Saboritek ezkerretik erdiratu duen baloia.
Hortik aurrera, golak agertu baino lehen zeukan ildo beretik segitu du neurketak. Bilbotarrek baloia zeukaten, baina ez dute baliatu arrisku garbirik sortzeko, eta baleartarrek ez du gehiegi sufritu amaierara arte.
Fitxa teknikoa:
SD Formentera 1: Marcos Contreras; Fobi, Javi Rosa, Samuel, Tejera; Álvarez (Romero, 79. min), Gabri (González, 82. min), Liñán, Garmendia; Adrián Riera (Bonilla, 73. min) eta Juan Antonio Sánchez.
Athletic Club 1: Arrizabalaga; Lekue, Etxeita, Óscar Gil, Saborit; Vesga, Beñat; Susaeta, Aketxe (Íñigo Muñoz, 73. min), Sabin; eta Kike Sola (Raúl García, 61. min).
Golak: 1-0, 61. min: Fernando Liñán; 1-1, 63. min: Raúl García.
Epailea: González Fuerte (Asturiako batzordea). Txartel horiak: Samuel, Dailos, Gabri, Romero (Formentera) eta Etxeita (Athletic Club).
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.